Qazaqstan Koreıaǵa elimiz arqyly ótetin tranzıttik júktiń kólemin ulǵaıtýdy usyndy

<p>Qazaqstan Koreıaǵa Transkaspıı halyqaralyq kólik baǵyty arqyly tranzıttik júktiń kólemin ulǵaıtýdy usynady. Bul týraly &laquo;Ortalyq Azııa &ndash; Koreıa Respýblıkasy&raquo; 16-yntymaqtastyq forýmynda Premer-Mınıstrdiń orynbasary &ndash; Syrtqy ister mınıstri Murat Nurtileý aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi Ashhabadtan.</p>

«Bizdiń saýda jáne ınvestıtsııalyq baılanysymyzdy nyǵaıtý «Soltústik-Ońtústik» jáne «Shyǵys-Batys» baǵyttary boıynsha negizgi tranzıttik-kólik toraptarynyń ınfraqurylymdyq damýyna tyǵyz baılanysty. Eýropa men Azııanyń, sondaı-aq Ortalyq jáne Shyǵys Azııanyń ózara baılanysy turǵysynan Transkaspıı halyqaralyq kólik baǵyty men Qytaıdyń Lıanıýngan portyndaǵy qazaqstandyq termınal strategııalyq mańyzdy sanalady», - dedi mınıstr.

Osy oraıda ol qazaqstandyq «Aqtaý» jáne «Quryq» ekoporttardy paıdalana otyryp, orta dálizdiń qýaty 2030 jylǵa qaraı birte-birte 500 myń konteınerge deıin keńeıetinine nazar aýdartty.

«Bul qadam Shyǵys Azııadan Eýropaǵa konteınerlerdiń tranzıttik merzimin 12 kúnge deıin aıtarlyqtaı qysqartady. Koreı tarapyna Transkaspıı halyqaralyq kólik baǵyty arqyly tranzıt júginiń kólemin ulǵaıtýdy, sondaı-aq kólik kemelerin birlesip jasaý jáne logıstıkalyq ortalyqtar qurýǵa qatysýdy usynamyz», - dedi Murat Nurtileý.