Qazaqstan – Koreıa matchy: Elena Rybakına esepti 2:0-ge jetkizdi

<p>ASTANA. KAZINFORM &ndash; Astanada ótip jatqan Bıllı Djın Kıng kýbogynyń pleı-off matchynda Qazaqstan &ndash; Koreıa matchynda Elena Rybakına men Son Hen Pak sheberlik baıqasty.</p>

Qazaqstandyq tennısshi álemniń 6-raketkasy bolsa, koreıalyq sportshy reıtıngide 355-orynda tur. E.Rybakına 25-te, qarsylasy odan úsh jasqa kishi edi. 

Birinshi partııany E.Rybakına 6:2 esebimen aıaqtady.

Ekinshi sette esep 3:2 bolǵan mezette qazaqstandyq sportshy breık jasaı bildi – 4:2. Sodan keıin matchty taǵy bir breıkpen túıindedi – 6:2.

Bir saǵat 9 mınýtqa sozylǵan báseke barysynda Rybakına 3 eıs jasap, 11 breık-poınttyń beseýin óz esebine jazdy. Son Hen Pak 2 eıs, 1 breıkten (2 breık-poınt) asa almady.

Osylaısha, Qazaqstan quramasy 2:0 esebimen alǵa shyqty.

Qazaqstan – Koreıa matchy erteń jalǵasady. Qazaqstandyqtarǵa aldaǵy jyly sáýirde ótetin Bıllı Djın Kıng kýbogynyń irikteý kezeńine joldama alý úshin endi bir jeńis jetip jatyr.

Eske sala keteıik, budan buryn Qazaqstan – Koreıa matchynda Zarına Dııastyń qarsylasyn utqanyn jazǵan edik.