Qazaqstan qor naryǵynda brokerlik shottar sany 4 ese ósti
Qazaqstan qor naryǵy tarıhynda ınvestorlardyń rekordtyq ósýi shot ashý protsedýralarynyń jeńildeýimen baılanysty. Atap aıtqanda:
– jeke tulǵany qashyqtyqtan sáıkestendirý arqyly brokerlik shotty ashý protsesin jeńildetýmen jáne jańa tsıfrlyq brokerlik mobıldik qosymshalardyń paıda bolýymen;
– «QazMunaıGaz» UK» AQ-nyń IPO ótkizýimen;
– omnıbýs shottaryn ashý jáne paıdalaný múmkindigin engizýmen baılanysty.
«Brokerlik shottardyń belsendi ósýi jyl boıy baıqaldy. KCSD klıentteriniń 99%-y qazaqstandyq ınvestorlar ekenin atap ótken mańyzdy, bul jergilikti qor naryǵyn damytýdyń jaqsy úrdisin kórsetedi. 2023 jylǵy 1 qańtardaǵy jaǵdaı boıynsha beırezıdent klıentterdiń úlesi 1%-dan az», - dedi Ortalyq depozıtarııdiń basqarma tóraǵasy Ádil Muhamedjanov.
Bir jyl ishinde Ortalyq depozıtarııdiń (KCSD) nomınaldy ustaý júıesindegi qosalqy shottar sany 4,3 esege ósti. 2023 jylǵy 1 qańtarda jalpy júıede 963 myń shot ashyldy, onyń 550 myńy (57,1%) qosalqy shottarǵa, 413 myńy (42,9%) omnıbýs shottaryna tıesili.
Statıstıka boıynsha baǵaly qaǵazdardy ustaýshylardyń kópshiligi 35 pen 54 jas aralyǵynda, al 18-24 jas aralyǵyndaǵy ınvestorlar toby ótken jyly birden 4 esege ósti.
2022 jyly omnıbýs shottar tanymal bola bastady. Eger qańtar aıynda 10 myń omnıbýs shoty tirkelgen bolsa, bir jyl ótken soń 2023 jyly olardyń sany 41,3 ese ósti.
Klıenttik aktıvterdiń agregırlengen esebin júrgizý, ıaǵnı Ortalyq depozıtarııdiń bir shotyndaǵy klıentter pýlynyń aktıvterin esepke alý 2021 jyldyń ortasynan bastap múmkin boldy. Ádette, omnıbýs shottaryn júrgizý brokerler men bankterge ár klıent úshin jeke qosalqy shot ashýdan arzan túsedi, sondyqtan omnıbýs shottarynyń sany bir jyl ishinde jarty mıllıonǵa jaqyndap, qosalqy shottar sanyna teńesip qaldy.
Omnıbýs shottaryn engizý baǵaly qaǵazdar boıynsha esepteýler men esepke alýdy arzan, jeńil jáne jyldam etetin halyqaralyq tájirıbege sáıkes keledi. Bul KCSD deponentteriniń jumysyn jeńildetýmen qatar, bólshek ınvestorlardyń bırjalyq saýdasyn da yntalandyryp, olardyń sanyn ulǵaıtady, sondaı-aq omnıbýs shottardyń tanymaldylyǵyn túsindiredi.