Qazaqstan qor bırjasy 23 kompanııanyń baǵaly qaǵazymen tolyqty

ASTANA. QazAqparat – KASE tizimine byltyr jańa 23 kompanııanyń baǵaly qaǵazdary engizildi. Bul týraly Qazaqstan qor bırjasy lıstıng departamentiniń dırektory Juldyz Majırına málim etti, dep habarlaıdy QazAqparat tilshisi.

«Búginde Qazaqstan qor bırjasynda 1 300-den astam qarjy quraldary satylymda. Ótken jyly 23 jańa kompanııa bizde lıstıngten ótti, ıaǵnı atalǵan kompanııalardyń baǵaly qaǵazdary Qazaqstan qor bırjasynyń tizimine engizildi. Byltyr qor bırjasyna ornalastyrylǵan jalpy qarjy kólemi 5 trln teńgeden asty nemese 48% artty», - dedi Qazaqstan qor bırjasy lıstıng departamentiniń dırektory Juldyz Majırına elordada ótken KASE DAY sharasy barysynda.

Onyń aıtýynsha, búginde qor bırjasyna 230-dan astam lıstıng kompanııanyń baǵaly qaǵazdary ornalastyrylǵan.

«Byltyrdan bastap «QazMunaıGaz» ulttyq kompanııasy IPO-ǵa shyǵa bastady. Jalpy usynylǵan aktsııalardyń 85%-y Qazaqstan qor bırjasynda ornalastyryldy», - deıdi ol.

Buǵan deıin qazaqstandyqtardyń qor bırjasynda 1 mln-ǵa jýyq shoty bary aıtyldy.

Sondaı-aq, qor bırjasy basshysy ıAndeks aktsııalarynyń tizimnen alyný sebebin túsindirip ótti.