Qazaqstan kópvektorly syrtqy saıasat júrgizedi – Qasym-Jomart Toqaev

ASTANA. QazAqparat – Prezıdent Qasym-Jomart Toqaev saılaýda daýys bergennen keıin BAQ ókilderiniń suraǵyna jaýap bere otyryp, syrtqy saıasattaǵy kópvektorlyq saqtalýy kerek degen paıym aıtty, dep habarlaıdy QazAqparat tilshisi.

«Qazaqstan strategııalyq ustanym turǵysynan, ekonomıkamyzǵa 300 mlrd dollardan astam ınvestıtsııa tartylǵanyn eskersek, bizdiń naryqta álemdik deńgeıdegi iri transulttyq kompanııalar jumys isteıtinin eskersek, qazirgi kópvektorly dep aıtylyp júrgen syrtqy saıasatty júrgizýge mindetti. Qazaqstan BUU Jarǵysyna moıynsunýy kerektigi, beıbit syrtqy saıasat júrgizýi kerektigi týraly áńgime kóp aıtylyp júr. Biz sonymen aınalysamyz», - dedi Qasym-Jomart Toqaev.

Eske sala keteıik, búgin elimizdiń barlyq óńirlerinde jáne 53 sheteldik ókildikte prezıdent saılaýy ótip jatyr.

Foto:t.me/bort_01