«Qazaqstan Konstıtýtsııasy - áleýmettik qundylyqtar negizi»- respýblıkalyq basylymdarǵa sholý

ASTANA.  30 tamyz. QazAqparat - Qazaq aqparat agenttigi respýblıkalyq basylymdarda 30 tamyz, beısenbi kúni shyqqan ózekti materıaldarǵa sholýdy usynady.

***

Budan eki kún buryn Semeı men Kýrchatov qalalarynda bastalǵan «ıAdrolyq synaqtarǵa tyıym salýdan - ıadrolyq qarýsyz álemge» taqyrybyndaǵy halyqaralyq konferentsııa keshe Astanadaǵy Táýelsizdik saraıynda Qazaqstan Respýblıkasynyń Prezıdenti Nursultan Nazarbaevtyń qatysýymen qorytyndylandy. Búkil adamzat úshin erekshe mańyzdy bul jıynǵa álemdegi 75 memlekettiń par­lamentteri men úkimetteriniń músheleri, 20-dan astam halyqaralyq uıymdardyń ókilderi, Qazaqstan Parlamenti palata­lary­nyń tóraǵalary, Prezıdent Ákimshi­li­giniń jaýapty qyzmetkerleri, Parlament depýtattary men Úkimet músheleri, son­daı-aq elimizdegi qoǵamdyq jáne úkimettik emes uıymdardyń jetekshileri qatysty. Osy alqaly jıyn arqaý bolǵan maqala «Egemen Qazaqstan» gazetiniń búgingi sanynda «Qarýsyzdanýdyń jahandyq jańa kezeńi Semeı polıgonyn jabýdan bastaldy» degen taqyryppen berilgen.

Bıyl elimiz Negizgi Zańymyzdyń qa­byl­danýy­nyń on jeti jyldyǵyn merekeleýde. Búkilhalyqtyq mańyzy bar aktige aınal­ǵan Konstıtýtsııanyń qaǵı­da­lary men normalaryna buljytpaı súıene otyryp, Qa­zaq­stan osy jyldar ishinde orasan tabysqa qol jetkizdi. Ata Zańymyzda 1995 jylǵy 30 tamyzda eldiń konstıtýtsııalyq saıasatynyń ne­gizderi aıqyndalyp, ol ýaqyt talabyna qaraı birqatar ózgeristerge ushy­rady. Mine, osy oraıda «Egemen Qazaqstan» gazeti Kons­tıtýtsııalyq Keńes Tóraǵasy Igor Rogovke jolyǵyp, Ata Zańymyzǵa baılanysty tyń oılarymen bólisken. Suhbat «Qazaqstan Konstıtýtsııasy - áleýmettik qundylyqtar negizi» degen taqyryppen jarııa etildi.

***

«Kazahstanskaıa pravda» gazetiniń jazýynsha, keshe Qazaqstan Respýblıkasynyń Prezıdenti Nur­sultan Nazarbaev Reseı Federa­tsııa­synyń Pre­zı­denti Vladımır Pýtınmen telefon arqyly sóılesti. Taraptar áńgimelesý barysynda ekijaqty yntymaq­tastyqty, sondaı-aq Pavlodarda qyr­kúıek aıynda ótedi dep josparlanǵan Qazaqstan men Reseı óńiraralyq ynty­maq­tastyǵynyń to­ǵy­zynshy forýmyna daıyndyq máselesin talqylady.

***

«Shyǵys Qazaqstan oblysynda nemeresi týǵan atasynan óziniń aǵasyn dúnıege ákeldi», - dep jazady «Vremıa» gazeti búgingi sanyndaǵy «Pochemý, mama?» degen maqalasynda. Shyǵys Qazaqstannyń shalǵaı túkpirindegi aýylda 13 jastaǵy qyzdy 70-ten asqan atasy jynystyq qatynasqa májbúrlep kelgen. Jan túrshigerlik bul aqparat quqyq qorǵaýshylardyń qulaǵyna da shalynǵan. Degenmen qyz polıtsııa qyzmetkerlerimen baılanysqa qulyqsyz shyqqan. 10 jasynan bastap atasynyń zorlyq-zombylyǵyna ushyraǵan qyz endigi ýaqytta balasynyń tárbıesimen aınalyspaq.

***

«Ekspress-K» gazetiniń jazýynsha, Kókshetaýda bir túnniń ishinde úı tonap, áıel zorlaǵan jáne sheteldik azamatty soqqyǵa jyǵyp óltirgen 2 qalalyq jasty tutqynǵa aldy. Olar shilde túnderiniń birinde oblys ortalyǵyndaǵy úılerdiń birine basyp birip, 43 jastaǵy áıeldi zorlap, aqshasymen men uıaly telefonyn alyp ketken. Osymen toqtamaǵan olar jol boıynda 47 jastaǵy reseılik azamatty soqqyǵa jyqqan. Reseılik aýrýhanaǵa jetkizilgenmen, aýyr soqqydan kóz jumdy.

***

«Qazaqstan Prezıdenti «ıAdrolyq synaqtarǵa tyıym salýdan - ıadrolyq qarýsyz álemge» atty Halyqaralyq konferentsııada birqatar jańa jahandyq bastama kóterdi», - dep jazady «Izvestııa Kazahstan» gazeti «Nýrsýltan Nazarbaev: «Bezıadernyı mır - nasha obşaıa tsel» degen taqyryptaǵy maqalasynda. «Qazaqstan búginde halyqaralyq «ATOM» jobasyn iske qosyp otyr. Jobanyń ataýy aǵylshyn tilindegi - Ebolısh Testıng. Aýe Mıshn («Abolish Testing. Our Mission») - tórt sózdiń birinshi áripterinen turyp, «Synaqtar­dy Joıý - Bizdiń Mıssııamyz» degendi bildiredi. Joba sheńberinde jer betindegi ıadro­lyq qarýǵa qarsy kez kelgen adam álem úkimetterin ıadrolyq synaqtardan birjola bas tartýǵa shaqyrǵan onlaın-petıtsııaǵa qol qoıyp, ıAdrolyq synaqtarǵa jappaı tyıym salý týraly kelisim-sharttyń tezirek kúshine enýine qol jetkize alady», - dedi Nursultan Nazarbaev.