Qazaqstan konstıtýtsııalyq reforma arqasynda jańa kezeńge aıaq basady - túrik saıasattanýshysy

ASTANA. QazAqparat - Qazaqstan Prezıdenti Nursultan Nazarbaevtyń Konstıtýtsııa arqyly ózine tıesili keń ókilettikti shektep, halyqtyń ıgiligi úshin memleketti odan ary ilgeriletetin reformany kútpegen jerden bastaýy dúnıejúzi elderin tańǵaldyrdy.

Bul týraly saıasattanýshy ǵalymy Nursultan Chetın atap ótti.

«Nursultan Ábishulynyń onsyz da ómiri boıy týǵan eli - Qazaqstandy oılap, atqarǵan jumystary orasan zor. Keńes odaǵynan qalǵan ıadrolyq qarýlardan bas tartýy tek qana óz eli úshin emes, búkil adamzat pen álemdik beıbit ómir úshin óte mańyzdy. 

Halyqaralyq tizesi shyqqan máselelerdiń sheshilýinde memleketter tarapynan aıtylǵan jyly lebizderge únemi arqaý bolyp otyratyn danalyǵy, dana saıasatkerligi bitimgerliktiń ózegine aınalyp úlgerdi. Sońǵy kezde Túrkııa men Reseı arasyndaǵy daǵdarystyń sheshilýi jáne mıllıondaǵan eldiń kóz jasyn, qan tógisti toqtatý maqsatynda Sırııa máseleleriniń talqyǵa salyp, Astana protsesin júrgizýi sózimizge dáıek.

Sonymen qatar, Qazaqstan Prezıdenti Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna arnaǵan Joldaýy iske asqaly otyrǵan Konstıtýtsııalyq reformaǵa jańa baǵyt silteıtindigi, qoǵamnyń damýyna ońdy yqpal etetindigine sóz joq. Joldaýda kóterilgen basymdyqtar damýdyń negizgi dınamıkalaryna aınalatyndyǵyna jáne ulttyq ekonomıkanyń kúsheıýine yqpal etetindigine senimdimin.

Qazaqstan konstıtýtsııalyq reforma men Joldaýdyń arqasynda jańa kezeńge aıaq basyp, álemdegi ózgeristerge beıimdeledi jáne damyǵan elderdiń qataryna qosylýdyń alǵysharttaryn jasaý arqyly batyl qadamdar jasaıdy. 

Eldiń turaqty damýyna, álemdik beıbitshilikke qosqany úlesi úshin qadirli Nursultan Ábishulyna Nobel syılyǵyn berý qajet», - dep málim etti saıasattanýshy.