Qazaqstan konkıshileri olımpıadalyq qalashyqqa ornalasty
06:51, 03 Aqpan 2018
ASTANA. QazAqparat - Keshe konkıshilerimiz Ońtústik Koreıanyń Phenchhan qalasyndaǵy olımpıadalyq qalashyqqa baryp ornalasty, dep habarlaıdy QazAqparat QR Ulttyq olımpıadalyq komıtettiń baspasóz qyzmetine silteme jasap.
Endi, búgin halyqaralyq áýejaı qazaqstandyq mogýlshylar, shana men taý shańǵy sportshylary jáne short-trekshilerdi qarsy alady.
Buǵan deıin habarlaǵanymyzdaı, Qazaqstan quramasy XXIII qysqy Olımpıadaǵa 57 joldama jeńip alǵan bolatyn.
Otandastarymyz sporttyń 9 túrinen synǵa túsedi. Qazir sportshylar sońǵy oqý-jattyǵý jumystaryn júrgizip jatyr. Olımpıada qalashyǵyna qazaqstandyq sportshylardyń alǵashqy legi 1 aqpan kúni baryp ornalasty. Al sońy 7 aqpanǵa deıin jetip bolady. Bul kúni Olımpıada qalashyǵynda qazaqtyń kók baıraǵy kóteriledi. Olımpıada oıyndary aqpannyń 9-25 aralyǵynda ótedi. Olımpıadanyń ashylý saltanatynda el týyn short-trekshi Abzal Ájǵálıev ustap shyǵady.