Qazaqstan kómir stantsııalaryn gazǵa kóshirýge múddeli – Almasadam Sátqalıev

<p>ASTANA. KAZINFORM &ndash; Energetıka salasynda ozyq tehnologııalardy qoldaný jáne &laquo;jasyl&raquo; ekonomıkany qarjylandyrý mańyzǵa ıe. Bul týraly Energetıka mınıstri Almasadam Sátqalıev málim etti.&nbsp;</p>

«Biz ozyq ári tómen emıssııalyq tehnologııalardy damytýdy, «jasyl» ekonomıkany qarjylandyrýdy jáne azamattardyń ál-aýqatyn arttyrý men ShYU-ǵa múshe elderdiń turaqty damýyn qamtamasyz etýdi mańyzdy mindet dep sanaımyz. Qazaqstan óz kezeginde jańartylatyn, atom jáne sýtegi energetıkasyn damytýǵa jáne kómir stantsııalarynyń gazǵa kóshirýge múddeli. BUU-nyń klımattyq konferentsııasy aıasynda COP-28, Dýbaıda 2050 jylǵa qaraı kómirtegi beıtaraptyǵyna qol jetkizý maqsatynda parnıktik gazdar shyǵaryndylaryn azaıtýǵa kelistik», - dedi Almasadam Sátqalıev ShYU-ǵa múshe memleketterdiń Energetıka mınıstrleriniń tórtinshi keńesinde.

Onyń aıtýynsha, 2030 jylǵa qaraı jańartylatyn energetıka qýatyn jahandyq deńgeıde úsh ese arttyrý kózdelip otyr. 

«Sonymen qatar munaı-gaz kásiporyndarynda shyǵaryndylardy azaıtý boıynsha «jasyl» tehnologııalardy engizý mańyzdy», - deıdi ol. 

Aıta keteıik, búgin Astanada Shanhaı Yntymaqtastyq Uıymyna múshe memleketterdiń Energetıka mınıstrleriniń tórtinshi keńesi ótip jatyr.