Qazaqstan Kommýnıstik partııasy: Aldaǵy saılaý – bizge múmkindik beretin kezeń

NUR-SULTAN. QazAqparat - Qazaqstan Kommýnıstik Halyq partııasy Prezıdetttiń saılaý týraly Jarlyǵyna sáıkes málimdeme jasady. QazAqparat málimdemeniń tolyq mátinin jarııalaıdy.

***

Qazaqstan Kommýnıstik Halyq partııasynyń

málimdemesi

«El Prezıdentiniń Konstıtýtsııada belgilengen merzimde saılaý ótkizý jónindegi Jarlyǵy biz kútken qadam edi jáne belsendi saıası úderiske arnalǵan josparymyzdy rastaı tústi. Bizde teń quqyqty kúreske qajetti resýrstardyń bári bar jáne biz saılaý naýqanyna jetistikke qol jetkizemiz degen senimmen kirisýge daıynbyz.

Bul qazaqstandyqtardyń sotsıalızm ıdeıalaryna, teń quqyqqa jáne ıgilikti ádil bólýge degen seniminiń naqty kórsetkishi.

Bizdiń áleýmettik ádildikke qol jetkizý jónindegi myzǵymas qaǵıdattarymyz álemdik daǵdarys kezeńinde ekonomıka men áleýmettik salanyń ornyqtylyǵyn saqtap, Qazaqstan azamattarynyń ál-aýqatyn qamtamasyz etedi.

Aldaǵy saılaý – bizge bıliktiń ókildi organdaryna qatysýyn ulǵaıtýǵa jáne ómirsheńdigin rastaýǵa múmkindik beretin kezeń.

Partııalyq tizim boıynsha máslıhattarǵa saılaý ótkizý partııa jaqtastarynyń memleketti basqarýǵa qatysýyn keńeıtý úshin jańa múmkindikke jol ashady.

Biz óńirlerdegi problemalardy jaqsy bilemiz, olardyń damýy boıynsha naqty paıymdaýymyz bar jáne árbir adammen tyńǵylyqty jumys isteımiz.

Bizdiń ıdeıa – eldi nyǵaıtý, ádilettilik, birlik, barlyq azamattardyń kelisimi men teń quqy, árbir adamnyń laıyqty ómir súrýi.

Biz tıimdi saılaý ótkizýge senimdimiz jáne jumysymyzǵa qoldaý kórsetý úshin Qazaqstannyń gúldenýin qalaıtyn barlyq patrıottardy belsendi qatystyra otyryp, syndarly jáne ashyq saılaý naýqanyn uıymdastyrýǵa nıettimiz.