Qazaqstan kómir tutyný boıynsha álemde 15-orynda tur
Bul týraly Halyqaralyq jasyl tehnologııalar jáne ınvestıtsııalar ortalyǵynyń basshysy Rápil Joshybaev málimdedi.
«Qazaqstan shıki munaı eksporty boıynsha 12-orynda tur. Kómir tutynýda - 15-oryn, qazbaly otyndy tutyný jalpy energııa tutyný kóleminiń 76% quraıdy. Qazbaly otynǵa táýeldilikten qalalyq aýdandarda energııany óndirý men tutyný kóbeıdi, ol ekonomıkanyń 50% quraıdy», - dedi Rápil Joshybaev «Qazaqstandaǵy turaqty qalalyq ınfraqurylym: Astanadaǵy jasyl qurylys kórsetkishteri» dóńgelek ústelinde.
Ortalyq basshysy BUU turaqty damý maqsattaryn júzege asyrý boıynsha Qazaqstannyń erikti sholý jasaıtynyn jetkizdi.
«Bıyl Qazaqstan Nıý-Iorkte ótetin BUU saıası forýmynda turaqty damý maqsattaryn júzege asyrý boıynsha erikti ulttyq sholýyn usynady. Bizdiń bastamalardy júzege asyrý turaqty damý maqsattaryna qol jetkizýge kómektesedi. ıAǵnı, taza sý, qoljetimdi energııa, ınnovatsııalyq ınfraqurylym, turaqty qalalar men eldimekender kóbeıedi», - dedi Rápil Joshybaev.