Qazaqstan kolhozshylary tank qurylysyna 371 mln. astam rýbl jınady - «Izvestııa», 1943 jyl

ASTANA. QazAqparat - «Tambov kolhozshylarynan patrıottyq úlgi alǵan Qazaqstannyń eńbekshileri «Qazaqstan kolhozshysy» atty myqty tank kolonnasynyń qurylysyna 371 mln. astam rýbl kóleminde aqsha joldady, qarajat jınaý jalǵasyp jatyr...», dep 1943 jyly, qan maıdan júrip jatqanda «Izvestııa» gazetiniń betinde habarlanǵan.

«Qurmetti jaýyngerler, myńdaǵan kolhozshylar sizderge kómektesý úshin qolda bar aqshasyn berip otyr. Osyndaı adamdardyń esimderin bilý kerek. Olar:

Bókenbaev Orazbaı, Qaratal aýdanyndaǵy «Qyzyl Bulaq» kolhozynyń tóraǵasy, tank kolonnasynyń qurylysyna 300 myń rýbldi saldy.

Qazybaev - Meńdiqara aýdanyndaǵy «Jańa Turmys» kolhozynyń tóraǵasy, 190 myń rýbl saldy. Baıjanov Sápı - Obaǵan aýdanyndaǵy «Kommýnıster keńesi» kolhozynyń traktorshysy, 175 myń rýbl. Ysqaqova Kádeli - Dengiz aýdanynyń Karl Maks atyndaǵy kolhoz tóraıymy - 175 myń rýbl. Bedesarova Bıse - Shaıa aýdanyndaǵy «Aqbastaý» kolhozynyń tóraǵasy - 167 myń rýbl. Ońdasynov Bektaı - Shaıa aýdany, «Aq Tas» kolhozynyń tóraǵasy - 166 myń rýbl. Júsipov Ábdikárim - Túrkistan aýdanyndaǵy «Birlik» kolhozynyń tóraǵasy - 165 myń rýbl. Osyndaı adamdardyń tizimin jalǵastyra berýge bolady. Qyzyl ásker úshin kolhoz ben kolhozshylardan kún saıyn júzdegen, myńdaǵan put nan, et, maı jáne basqa da aýylsharýashylyq azyq-túlik jetkizilip otyr. Kóp uzamaı maıdandaǵy júzdegen, myńdaǵan qýatty jańa tankilerdiń arasynda ákeńiz, zaıybyńyz, apa-qaryndasyńyz ben inilerińiz qarajatyna jasalǵan tehnıka da bolady.