Qazaqstan KO elderindegi alkogoldik ónim aınalymy týraly kelisimniń jobasyn ázirledi
14:20, 13 Qańtar 2014
ASTANA. 13 qańtar. QazAqparat - Qazaqstan Kedendik odaq elderindegi alkogoldik ónim aınalymy týraly kelisimniń jobasyn ázirledi.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Ekonomıka jáne bıýdjettik josparlaý vıtse-mınıstri Tımýr Jaqsylyqov málim etti.
Onyń sózine qaraǵanda, tarıftik emes kedergilerdi tómendetý boıynsha jumys bastaldy jáne bul sharalar memleket basshylarynyń tapsyrmalaryna sáıkes atqarylýda.
«Atap aıtqanda, KO boıynsha seriktes elderdiń naryqtaryna bizdiń alkogoldik ónimniń ótimdiligi boıynsha másele týyndady. Qazirgi kezde alkogoldik ónim aınalymy týraly kelisimniń jobasy ázirlenip, ol úsh elde kelisilip jatyr. Ol qabyldanǵannan keıin bizdiń ónimdi ótkizýge baılanysty kedergiler sheshimin tabady dep úmittenemiz»,-dedi vıtse-mınıstr.