Qazaqstan qyz-kelinshekteri tutynatyn kosmetıkanyń 93 paıyzy shetelden keledi

<p>ASTANA. KAZINFORM — Qazaqstanda kosmetıka óndirisi 6,1% ósti. </p>

Ulttyq statbıýro málimetine sensek, 2023 jylǵy qańtar-qarasha aralyǵynda Qazaqstanda 6,1 myń tonna parfıýmerııa jáne kosmetıka óndirilgen. 

Bul 2022 jyldyń sáıkes kezeńimen salystyrǵanda 6,1% artyq.

Bul rette atalǵan ónimderdiń eksporty da ósti — 54,5%. 

Ótken jyldyń qańtar-qarasha aılarynda 3,8 myń tonna kosmetıka eksporttaldy.

Buǵan qaramastan ımport ónimderiniń úles salmaǵy áli de basym — ónimniń 93,6% shetelden keledi.

Ótken jyldyń 11 aıynda 89,6 myń tonna ónim ımporttalǵan (ósim 36,4%).

Ótken jyldyń 11 aıynda ishki naryqta 91,9 myń tonna ónim satyldy, bul bir jyl burynǵydan 33,2% artyq.