Qazaqstan Qytaıǵa maı ónimderi eksportyn $250 mln jetkizýdi kózdep otyr

<p>ASTANA. KAZINFORM - Qazaqstan Qytaıǵa maı ónimderin eksporttaý boıynsha rekordty jańartyp, $250 mln kórsetkishine jetkizýdi kózdep otyr, dep habarlaıdy QR Aýyl sharýashylyǵy mınıstrliginiń <a href="https://www.gov.kz/memleket/entities/moa/press/news/details/880363?lang=kk" target="_blank" rel="noopener">baspasóz</a> qyzmeti.</p>

Maıly daqyldardy óńdeýshiler ulttyq qaýymdastyǵynyń (MDÓUQ) basqarma tóraǵasy ıAdykar Ibragımovtiń aıtýynsha, eksporttyń ósýine yqpal etetin faktorlardyń biri – Qazaqstanda óndirilgen aqýyzy joǵary jemshópter úshin Qytaı naryǵynyń ashylýy boldy, ol úshin qytaılyq satyp alýshylar joǵary baǵa usynyp otyr.

Qazaqstannyń maı zaýyttary Shanhaıda ótken Qytaı halyqaralyq ımport kórmesinde $56 mln-ǵa kelisimshartqa otyrdy.

ıAdykar Ibragımovtiń aıtýynsha, Shanhaıda bıyl qazaqstandyq 12 maı zaýyty maı ónimderin usynady.

Búgingi tańda Qytaı qazaqstandyq maı ónimderi eksporty boıynsha qarjylaı kórsetkishte kósh bastap tur. Maıly daqyldar óńdeýshiler ulttyq qaýymdastyǵynyń basqarma tóraǵasy qazaqstandyq 24 maı zaýytyn Qytaı keden tizilimine jedel engizýge járdemdesken salalyq mınıstrlikter — QR Saýda jáne ıntegratsııa mınıstrligi men QR Aýyl sharýashylyǵy mınıstrligi tarapynan bolǵan qoldaýdyń mańyzdylyǵy atap kórsetti.

Sondaı-aq ósimdik maılarynyń aı saıynǵy eksporttyq kólemin birkelki bólý boıynsha «Qazaqstan temir joly» UK» AQ-men úılestirilgen jumys mańyzdy aspekt bolyp sanalady. Maı óńdeýshiler eki jyl ishinde Qytaıǵa ósimdik maıy men mal azyǵy eksportyn $300 mln deńgeıinde jetkizýdi josparlap otyr.

Qazaqstannyń CIIE–2024 kórmesine qatysýy Qytaı naryǵyna maı ónimderi eksportyn keńeıtý men elimizdiń Azııadaǵy saýda pozıtsııasyn nyǵaıtýdaǵy mańyzdy qadam boldy.

Osyǵan deıin Oljas Bektenov Qytaıdyń jetekshi kompanııalarynyń ókiderimen kezdesip, 2,5 mlrd dollarǵa kelisim jasaǵanyn jazdyq.