Qazaqstan-Qytaı týrızminiń damýy qandastardy elge tartýǵa serpin beredi – vıtse-mınıstr

<p>BEIJІŃ. KAZINFORM &ndash; Qazaqstan men Qytaı arasyndaǵy týrızmniń damýy arǵy bette qalǵan qandastarymyzdy elge tartýǵa da tyń serpin beredi. Bul týraly Kazinform tilshisine Qytaıdaǵy Qazaqstan týrızmi jylynyń resmı ashylý saltanatyna kelgen QR Týrızm jáne sport vıtse mınıstri Erjan Erkinbaev aıtyp berdi.</p>

«Búgingi tańda Qazaqstan men Qytaı arasyndaǵy qarym-qatynas óte joǵary deńgeıde damyp keledi. Ótken jyldyń sońynda eki el basshylarynyń kelisimimen vızasyz rejım júıesi iske asty. Nátıjesinde arǵy bettegi qandastarymyz elge kirýine, týysshylap kelýine úlken septigin tıgizdi. Qazaqstandyq azamattary da ár túrli maqsatta Qytaıǵa kelýge, qydyrýǵa úlken múmkindikter aldy. Mine, búgin Beıjiń qalasynda elimizdiń Qytaıdaǵy týrızm jylynyń ashylýy óteıin dep jatyr. Bul da eki el arasyndaǵy týrıstik yqpaldastyqty odan ary damytýǵa úlken jol ashady dep senemiz», - dedi QR Týrızm jáne sport vıtse mınıstri.

Esterińizge sala keteıik, aldaǵy 28-29 naýryz kúnderi Beıjińde Qytaıdaǵy Qazaqstan týrızmi jylynyń resmı ashylý saltanaty ótedi. Osyǵan oraı Qazaqstannan Beıjińge 600-ge jýyq arnaıy delegatsııa ushyp keldi.