Qazaqstan-Qytaı shekarasyndaǵy «Qorǵas» yntymaqtastyq ortalyǵy 24 saǵat jumys isteýi múmkin
Qytaı Halyq Respýblıkasymen ózara tıimdi saýda-ekonomıkalyq qarym-qatynas ornatý – Qazaqstannyń syrtqy ekonomıkalyq jalpy damý strategııasynyń basty baǵyttarynyń biri. «Qorǵas» halyqaralyq shekaralyq yntymaqtastyq ortalyǵynyń jalpy aýmaǵy – 600 gektar. Onyń 185 gektary Qazaqstanǵa, 343 gektary Qytaıǵa tıesili.
Qazaqstan men Qytaı shekarasyndaǵy baqylaý beketi tańǵy saǵat 07:00-de ashylyp, keshki 18:00-de jabylady. Jaqynda 24 saǵat jumys isteýi múmkin. Kez kelgen ýaqytta ári-beri ótýge esh kedergi joq. Bul «Qorǵas» shekarasyndaǵy keshki bazardy damytady.
«Qazir Qazaqstannan keletin týrıster kóbeıdi. Bıyl kelýshiler sany boıynsha jańa rekord ornattyq. Bir kúnde 18 myń adamdy qabyldadyq. Qazaqstan men Qytaı táýlik boıy jumys isteýdi qolǵa almaq. Qazir bul máselemen eki óńirdiń bıligi aınalysyp jatyr», - deıdi «Qorǵas» HShYO saýda-sattyq departamentiniń basshysy Ma Lı.
Aıtýynsha, Qorǵas tek saýda ortalyǵy ǵana emes, sonymen qatar mádenı-oıyn-saýyq ortalyǵyna aınalatynyn tilge tıek etti.
«Jaqynda «Qytaı mádenı-ortalyǵynda» eki el ónerpazdaryna arnalǵan is-shara uıymdastyrmaqpyz. Keler jyly osy aımaqta balalarǵa arnalǵan «Disneyland» ortalyǵyn salamyz», - dedi ol.
Búginde Qazaqstan aýmaǵyna birinshi kezekte qonaq úıler salyný josparlanǵan. Sodan soń qoıma, irili-usaqty zaýyttar ashylady.
Eske salaıyq, 2024 jyl Qytaıda Qazaqstan týrızmi jyly bolyp jarııalanǵan.