Qazaqstan Qytaı men Brazılııanyń Ýkraınaǵa qatysty beıbitshilik josparyn qoldaıdy
«BRIKS damý úshin orasan zor áleýetke ıe jáne ártúrli qurlyqtaǵy memleketterdi biriktirip, yntymaqtastyqty nyǵaıtady, barlyq qatysýshylardyń ıgiligi úshin birlesken múmkindikterdi tıimdi paıdalanady. BRIKS-tiń ortaq gúldený, ózara qurmet pen seriktestik qaǵıdattaryna negizdelgen bolashaqty qurý úshin resýrstary da, tájirıbesi de bar. Qazaqstan úshin BRIKS-ke múshe árbir memleketpen shynaıy dostyq qarym-qatynasta bolýy óte mańyzdy. BRIKS-tiń kópjaqty kúsh-jigeri ajyramas jáne ámbebap qurylym bolyp qala beretin BUU qyzmetin úılesimdi túrde tolyqtyratyny sózsiz. Birikken Ulttar Uıymynyń Jarǵysynda bekitilgen dıplomatııa men dıalog prıntsıpteri qaqtyǵystardy beıbit jolmen sheshýge jáne strategııalyq turaqtylyqty nyǵaıtýǵa yqpal etetin BRIKS kúntártibiniń negizine aınaldy», - dedi Memleket basshysy.
Qasym-Jomart Toqaev Qazaqstan Reseıdiń ózara senim men yntymaqtastyqty nyǵaıtý arqyly geosaıası shıelenisti azaıtýǵa baǵyttalǵan Eýrazııada teń jáne bólinbeıtin qaýipsizdikti qurý tujyrymdamasyn joǵary baǵalaıtyndyǵyn aıtty.
«Qazaqstan Qytaıdyń halyqaralyq turaqtylyqty saqtaýǵa, egemendikti qorǵaýǵa, kópjaqty tásilderdi qoldanýǵa jáne janjaldardy beıbit jolmen sheshýge baǵyttalǵan jahandyq qaýipsizdik bastamasyn qoldaıdy. Qazaqstan Qytaı men Brazılııanyń Ýkraınaǵa qatysty beıbitshilik josparyn jalpy qoldaıdy», - dedi Prezıdent.
QR Prezıdenti Qasym-Jomart Toqaev Reseı Federatsııasynyń Prezıdenti Vladımır Pýtınniń shaqyrýymen BRIKS-ke múshe memleketter basshylarynyń XVI Sammıtine qatysý úshin Qazan qalasyna jumys saparymen barǵan bolatyn. https://kaz.inform.kz/news/kasim-zhomart-tokaev-kazanga-bardi-dceefe/
Memleket basshysy BRIKS sammıtine qatysýshylarmen birqatar kezdesý ótkizdi.
QR Prezıdenti jáne ózge BRIKS+ sammıtine qatysýshylar birge sýretke tústi.