Qazaqstan-Qytaı qarym-qatynasynyń damýy týraly monografııanyń tusaýy kesildi

<p>ASTANA. KAZINFORM — Beıjińde «Ádiletti Qazaqstan jáne qytaı armany: zamanaýı damý strategııasynyń múmkindikterin taldaý» atty ujymdyq monografııanyń tusaýkeseri ótti, dep habarlaıdy <a href="https://www.inform.kz/ru/administrativnie-rayoni-taraza-nazovut-aulieata-i-zhbek-zholi-6787d9" target="_blank" rel="noopener">Kazinform</a> menshikti tilshisi.</p>

— Ujymdyq monografııa sarapshylardyń Qazaqstan men Qytaı arasyndaǵy yntymaqtastyq týraly obektıvti kózqarasyn kórsetedi. Monografııanyń avtorlyq tobynda ekijaqty qarym-qatynastardy zertteýge mamandanǵan Qazaqstan Respýblıkasy men Qytaı Halyq Respýblıkasynyń jetekshi sarapshylary bar, — dep atap ótti QR Ǵylym komıtetiniń Fılosofııa, saıasattaný jáne dintaný ınstıtýtynyń dırektory Serik Seıdýmanov.

QR Bilim jáne ǵylym mınıstrligi Ǵylym komıtetiniń Fılosofııa, saıasattaný jáne dintaný ınstıtýty basyp shyǵarǵan kitapqa Qazaqstan men Qytaıdan kelgen 30-ǵa jýyq belgili sarapshylar men ǵalymdardyń maqalalary engen.

Monografııanyń tusaýkeserine Qazaqstannyń Qytaıdaǵy elshisi Shahrat Nuryshev, Qytaı Halyq Respýblıkasy Syrtqy ister mınıstriniń kómekshisi Lıý Bın, Qytaıdyń Qazaqstandaǵy burynǵy elshileri, Qytaıdyń jetekshi ǵylymı ortalyqtarynyń basshylary qatysty.

Aıta keteıik, 2019 jyldyń qyrkúıeginde Qazaqstan men Qytaı ekijaqty qarym-qatynastardy máńgilik jan-jaqty strategııalyq áriptestik deńgeıine jetkizdi.

2023 jyldyń sońynda Qazaqstan men Qytaı elderi arasynda vızasyz rejım engizildi.

2024 jyl Qytaıda Qazaqstannyń týrızm jyly bolyp jarııalandy.

Qytaı Halyq Respýblıkasynyń Bas keden basqarmasynyń (GCU) málimetterine sáıkes, 2024 jyldyń 11 aıynda eki el arasyndaǵy taýar aınalymy 40 mlrd dollardan (+8,7%) asty.