Qazaqstan Qyrǵyzstandaǵy selden zardap shekkenderge gýmanıtarlyq kómek jetkizdi

<p>OSh. KAZINFORM &mdash;&nbsp; &laquo;Biz Birgemiz Qazaqstan&raquo; qazaqstandyq qoǵamdyq qory selden zardap shekken qyrǵyzstandyqtarǵa qoldaý kórsetý úshin 40 tonna gýmanıtarlyq kómek jóneltti. Bul týraly Kazinform agenttiginiń tilshisi habarlaıdy.</p>

Qyrǵyzstan Respýblıkasy Tótenshe jaǵdaılar mınıstrliginiń málimetinshe, 19 shilde kúni tańerteń júk kólikteri qazaq-qyrǵyz shekarasynan ótip, Osh oblysyna bet alady. Gýmanıtarlyq kómek quramynda azyq-túlik ónimderi – un, qant jáne basqa da ónimder, eń qajetti taýarlar, sondaı-aq gıgıenalyq zattar bar.

Esterińizge sala keteıik, 14 shildede Osh qalasy men Osh oblysynda joıqyn sel bolyp, saldarynan 5 adam qaza tapty. Mady, Datka jáne Bash-Býlak eldi mekenderinde 642 turǵyn úı, tórt mektep, balabaqsha, eki aýrýhana, murajaı jáne medıtsınalyq pýnkt sý astynda qaldy. Oshta 146 turǵyn úı men balabaqsha zardap shekti.