Qazaqstan QHR men Aýǵanstanǵa astyq eksporty kólemin arttyrdy
«Astyq jáne burshaq tuqymdastary boıynsha negizgi eksporttyq pozıtsııa jumsaq jáne qatty bıdaı, arpa, kúrish jáne jasymyq sanalady. Atalǵan daqyldar eksportynyń jalpy kólemi astyq jáne burshaq tuqymdastarynyń jalpy kóleminiń 98 paıyzdan astamyn quraıdy», - dedi ol.
Onyń aıtýynsha, astyq negizinen TMD elderine, Iranǵa jáne Qara, Azov, Baltyq teńizderi arqyly Eýropa elderiniń naryqtaryna shyǵarylady.
«Sonymen qatar Qytaı men Aýǵanstanǵa astyq jetkizý kólemi artty. Aýǵanstanǵa un jetkizý ulǵaıdy. Jańa naryqtardyń ishinen astyq pen burshaq tuqymdastaryn Soltústik Afrıka elderi men Ońtústik-shyǵys Azııaǵa jetkize bastaǵanymyzdy atap ótýge bolady», - dedi Nurlan Ospanov.
Odaq basshysynyń pikirinshe, Qazaqstan logıstıkalyq baǵdarlardy damytý boıynsha sharalar júrgizip jatyr. Iran baǵytynda Aqtaý portynda qosymsha astyq termınaly men jańa temir jol tarmaǵy salyndy. Ońtústik-Shyǵys Azııa elderi baǵytynda Qytaıdyń Lıanıýngan porty arqyly tranzıttik dáliz quryldy. Túrkııa baǵytynda elimizdiń Quryq porty arqyly Baký-Tbılısı-Karsk temir joly dálizimen jańa baǵdar tústi. Atalǵan baǵdar arqyly túriktiń Mersın porty arqyly Ońtústik Eýropa, Soltústik Afrıka, Taıaý Shyǵys pen Ońtústik-Shyǵys Azııa naryqtaryna shyǵýǵa bolady.
«Joǵaryda atalǵan jobalardyń ishinde Aqtaýda qosymsha astyq termınalyn salý arqyly eksportqa qoldaý kórsetý jónindegi joba búginde barynsha tabysty júzege asyrylýda. Ol paıdalanylyp jatyr jáne Aqbıdaı Termınal portynyń júktemesin azaıtty. Eger astyq ekvıvalentinde undy qosa alǵanda jáne burshaq tuqymdastarynyń jalpy eksport kólemi 2016-2017 marketıng jylynda 8 126 758 tonnany qurady», - dedi ol.