Qazaqstan kedenshileri Túrkııadan taýarlardyń kontrabandalyq jolmen jetkizilýiniń iri arnasyn japty

ASTANA. 19 qazan. QazAqparat - Kedendik baqylaý komıteti Kontrabandaǵa qarsy kúres basqarmasynyń qyzmetkerleri Túrkııa Respýblıkasynan halyq tutynatyn taýarlardyń kontrabandalyq jolmen jetkizilýiniń kezekti iri arnasynyń jolyn kesti.

Halyq tutynatyn taýarlar Túrkııadan Qazaqstan Respýblıkasy azamatynyń atyna ákelingen jáne Batys Qazaqstan oblysy boıynsha Kedendik baqylaý departamentiniń qyzmet aımaǵynda rásimdelgen.

Túrkııa keden organdarynan alynǵan ekporttyq deklaratsııalardy oblystyq kedendik departamentinde rásimdelgen ımporttyq deklaratsııalarmen salystyrǵan kezde málimdelgen kedendik qunda, ataýynda jáne rásimdelgen taýarlardyń sanynda eleýli alshaqtyqtar anyqtaldy.

Mamandardyń qorytyndysyna sáıkes deklaratsııalanbaǵan taýarlardyń kedendik quny 21 mln. 117 myń 757 teńgeni qurady, nátıjesinde memleketke keltirilgen zııannyń somasy 7 mln. 139 myń. 648 teńgeni qurap otyr.

Ekonomıkalyq kontrabanda faktisi boıynsha qylmystyq is qozǵaldy, tergeý júrgizilýde.

Aǵymdaǵy jyldyń 9 aıynda Qazaqstan Respýblıkasynyń keden organdary barlyǵy 552 qylmystyq is qozǵap, anyqtalǵan taýarlardyń somasy 9,5 mlrd. teńgeni qurady. Bul týraly QR QM KBK baspasóz qyzmetinen habarlady.