Qazaqstan kedeni «jalǵan tranzıttiń» jańa shemasyn anyqtady

ASTANA. QazAqparat - Sońǵy kezderi kontrabandanyń jıi qoldanylatyn tásilderiniń biri «jalǵan tranzıt» bolyp tabylady. Bul - shetel taýarlary nemese kólik quraldarynyń Keden odaǵynyń kedendik aımaǵynan tranzıt arqyly ótýi barysynda Qazaqstan Respýblıkasynyń aımaǵynda zańsyz kedendik tazartýsyz qalýy. Bul týraly Kedendik baqylaý komıtetiniń baspasóz qyzmeti habarlady.

Keden organdarynda kontrabandalyq shema qurý arqyly baıýdy kózdeıtin «iskerlerge» kómek kórsetip júrgen óz qataryndaǵy qyzmetkerlerdi anyqtaý maqsatynda mańyzdy jumystar uıymdastyrylǵan.

Bul baǵyttaǵy kedenshilerdiń qyzmeti nátıjesiz emes - qylmystyq shema anyqtalýda, oǵan qatysty qyzmetkerler jumystan bosatylý men qylmystyq is qozǵalýǵa deıin tolyq jaýapkershilikte bolady.

Buǵan «Qordaı» kedeniniń ishki qaýipsizdik bólimi qyzmetkerleriniń kontrabandalyq avtokólikterdi zańdastyrý qylmystyq shemasyn anyqtaýy dálel bola alady.

Alys shetelderden sheteldik kólikterdi jetkizý isi jolǵa qoıylǵan, qylmystyq shema tranzıtti kórneý jalǵan aıaqtaýdy kózdeýde, bul kontrabandısterge kóp paıda tabýǵa múmkinshilik berdi.

2013 jylda Qazaqstan Respýblıkasynyń aýmaǵyna kedendik quny 37 mln. 355 myń teńge bolatyn 14 avtokólik quraly ákelindi. Memleketke keltirilgen shyǵyn 49 mln. 114 myń teńgeni qurady.

Kórsetilgen avtokólik quraldarynyń kontrabanda faktisi boıynsha QR QІK 209-babynyń 1-bóliginde kózdelgen qylmys belgileri boıynsha 14 qylmystyq is qozǵaldy.

«Qordaı» kedeni qyzmetkerleriniń bul isterge qatysynyń bar-joqtyǵy qylmystyq tergeý barysynda anyqtalady, olarǵa qatysty «Qordaı» kedeniniń ishki qaýipsizdik bólimi QR QІK 307-babynyń 2-bóligi boıynsha 9 qylmystyq is qozǵaldy (laýazymdyq ókilettigin asyra paıdalaný).

Qazirgi ýaqytta Qazaqstan Respýblıkasyna avtokólik quraldaryn «jalǵan tranzıt» shemasymen zańsyz rásimdeýge qatysy bar laýazymdy tulǵalardy anyqtaý boıynsha is-sharalar jalǵasýda.