Qazaqstan qajylary qasıetti Arapaǵa bet túzedi

ASTANA. QazAqparat - Búgin Mekkege úlken qajylyǵyn óteýge kelgen barsha musylman tań alakeýimnen Arapat alqabyna attandy, dep habarlady www.muslim.kz QMDB Qajylyq mıssııasynyń aqparat bólimine silteme jasap.

Qasıetti mekenge kelgen baýyrlarymyz ár sátin qulshylyqpen ótkizýde. Bul qasıetti mekende Jaratýshydan tilegen tilektiń barlyǵy qabyl bolady degen Paıǵambarymyz (Allanyń Oǵan ıgiligi men sálemi bolsyn). Sondyqtan, Arapadaǵy qajylar otbasy men týǵan-týystyń amandyǵyn tilep, eli úshin duǵa jasaýda. Tipten Rahma taýyna kóterilip jatqandar da bar.

QMDB Qajylyq Mıssııasynyń jaýapty ókili Baýyrjan Álıuly bul mekendegi bir kúndik qulshylyq otyz kúnge teń keledi deıdi.

Mundaǵy qulshylyq sáskeden kún uıasyna batqansha jalǵasady. Jáne osy aralyqtaǵy duǵa-tilektiń barlyǵyn Alla qabyl etedi. Eger kimde-kim Arapatta bir sát te turmasa, qajylyq ǵıbadatyn oryndamaǵan bolyp sanalady. Muhammed paıǵambarymyzdyń (Allanyń Oǵan ıgiligi men salaýaty bolsyn) bir hadısinde: "Qajylyq degenimiz - Arapat. Kimde-kim Arapatqa úlgerse, qajylyqqa úlgergen bolady", delingen.

Arapa kúninen keıingi, Zúlhıja aıynyń 10-juldyzynda - Mekkege barǵan táýapshylar qajylyq paryzdyń sońǵy jorasy - Qurban aıt meıramynyń sharttaryn oryndaıdy".

Bıyl Arapatta QMDB Qajylyq Mıssııasynyń uıymdastyrýymen qajylarǵa ýaǵyz-nasıhat aıtylyp, densaýlyǵyn qadaǵadaý jumystary júrgizilýde.

Sondaı-aq, qasıetti mekende Dinı basqarmanyń uıymdastyrýymen barsha Qazaqstandyq qajylar bir mezette, bir nıetpen eldiń tynyshtyǵy men amandyǵyn tilep, duǵa jasady.