Qazaqstan qaı elderden munaı ónimderin ımporttaýy múmkin – Sátqalıev jaýaby

<p>Energetıka mınıstri Almasadam Sátqalıev Qazaqstan Reseıden basqa qaı elderden munaı ónimderin ımporttaýy múmkin ekenin aıtty, dep habarlaıdy QazAqparat tilshisi.</p>

«Jalpy, Eýrazııalyq ekonomıkalyq odaq aýmaǵyna munaı ónimderin ımporttaýmen baılanysty naqty bir ereje bar. Elimizdiń aýmaǵyna munaı ónimderin jetkizetin zaýyttar Eýrazııalyq komıssııa talaptaryna saı sertıfıkattalýy tıis. Meniń bilýimshe, birqatar zaýyt sertıfıkat alýǵa nıet tanytyp otyr», - dedi Almasadam Sátqalıev XV KazEnergy Eýrazııalyq forýmy aıasynda BAQ ókilderiniń saýalyna oraı.

Mınıstr Eýrazııalyq ekonomıkalyq odaq aýmaǵyna munaı ónimderin áleýetti jetkizýshi retinde Túrikmenstan men Qytaıdyń munaı óńdeý zaýyttaryn atady.

«Bul protsess jumys tártibimen júrgizilip jatyr», - dedi ol.

Aıta keteıik, elordada XV KazEnergy Eýrazııalyq forýmy ótip jatyr. Halyqaralyq is-shara qatysýshylaryna Memleket basshysy Qasym-Jomart Toqaev quttyqtaý joldady.