«Qazaqstan qaýipti elderdiń qatarynda emes» - baspasózge sholý

ASTANA. QazAqparat - «QazAqparat» agenttigi respýblıkadaǵy basylymdarda 2 sáýir, sársenbi kúni jaryq kórgen ózekti maqalalarǵa sholýdy usynady.

Ataýly áleýmettik kómek 2001 jyl­dyń 24 jeltoqsanynda «Mem­lekettik ataýly áleýmettik kómek týraly» Qazaqstan Respýblıkasy Zańy shyqqannan keıin berilip keledi. «Bul elimizge naryqtyń kelýine baılanysty 90-shy jyldardaǵy ekonomıkalyq daǵdarystan meltektep endi shyǵyp kele jatqan kez edi. Qalada óndiristik kásiporyndar, orta jáne shaǵyn bıznes áli kúsh alyp kete qoımaǵan. Al arbasy synyp, ógizi ólgen aýyl sharýashylyǵynyń jaǵdaıy tym nashar edi. Qalada da, aýylda da jumyssyzdyq jaılaǵan, adamdardyń ıyǵynan ala dorbasy áli túspegen ýaqytta osy ataýly áleýmettik kómektiń qajettigi bilingen de bolar. Alǵashynda bul kómekti jumyssyz, bala-shaǵasy nápaqasyz qalǵan ekiniń biri aldy», - dep jazady «Egemen Qazaqstan» búgingi sanynda. Sodan kóp ýaqyt ótpeı-aq, ataýly áleýmettik kómektiń adamdardy masyldyqqa ıtermeleıtini jóninde pikirler aıtyla bastady. Osy másele egjeı-tegjeıli jazylǵan maqala «Ataýly áleýmettik kómek kerek pe?» degen taqyryppen berilgen.

Bas basylymda «Zardap shekkender kómeksiz qalmaıdy» atty maqala basyldy. Keshe Premer-Mınıstr Serik Ahmetov Úkimet otyrysyn Qaraǵandy oblysyna qarasty Kókpekti aýylyndaǵy sý tasqynynan qaza tapqandardyń otbasyna kóńil aıtýdan bastady. Osy rette Úkimet basshysy sý tasqynynan zardap shekken birde-bir otbasy bılik nazarynan tys qalmaýy tıistigin basa aıtty. Buǵan qosa, Premer-Mınıstr sý tasqyny qaýpi joǵary óńirlerdegi gıdroqurylǵylardyń jaı-kúıine turaqty monıtorıng júrgizýdi tapsyrdy. Oblystardyń, Astana men Almatynyń ákimderine eldi mekenderdiń qaýipsizdigin qamtamasyz etýde qosymsha sharalar qabyldaý qajettigin eskertti. Sondaı-aq, sý tasqyny oryn alǵan jaǵdaıda áreket etý jáne qaýipsiz jerge kóshý týraly erejeni halyq arasynda túsindirý jumystaryn jalǵastyrý qajettigin eskere otyryp, jalpy baqylaý jumystary men monıtorıngti Premer-Mınıstrdiń birinshi orynbasary Baqytjan Saǵyntaevqa júktedi.

***

Elimizge terrorlyq toptardan asa qaýip joq. Osydan birneshe jyl buryn qoǵamdy dúrliktirip jibergen dinı radıkaldy uıymdar búginde óz qarqynyn báseńdetken sekildi. Bul jaıynda keshe elordada Qazaqstannyń kommýnıkatsııalar qyzmetinde ótken brıfıngte saıa­sattanýshy Erlan Qarın málimdedi. Jalpy, qoǵamdy alańdatqan ekstremızm men lańkestikke qarsy is-áreketti arnaıy zerttegen saıa­sattanýshy jınaqtaǵan birqatar derektermen bólisti. Osy taqyrypty arqaý etken maqala «Aıqyn» basylymynyń búgingi sanynda « Qazaqstan qaýipti elderdiń qatarynda emes» degen taqyryppen berilgen.

«Aıqyn» gazetiniń jazýynsha, «Almatyda «100 tulǵa - 100 pikir» kitabynyń tusaýkeseri ótti. Jańa basylymnyń negizi «SAIGEZ» televızııalyq tok-shoýynyń ádebı-kórkem óńdelgen túpnusqasynda jasalǵan. Kitaptyń avtory - belgili jýrnalıst, qalamger Talǵat Súıinbaı. Avtor osy baǵdarlamalarda kóterilgen búgingi kúnniń ózekti máseleleri týraly júz adamnyń teledıdardan bergen pikirlerin jınaqtap, tarıhı kitap shyǵardy. Bul jınaq osynysymen qundy. Osy maqala «100 tulǵanyń pikiri» atty taqyryppen kópshilik nazaryna usynylyp otyr.

***

«Ekspress K» basylymy búgingi sanynda « I vnov prodoljaetsıa Boıd» degen taqyryppen elordalyq «Barys» hokkeı komandasynyń oıynshysy Dastın Boıdpen aradaǵy suhbatty jarııalap otyr. Tanymal hokkeıshi osy suhbatta QHL chempıonatyndaǵy kezeń komanda úshin qalaı ótkenin jáne pleı-off serııasynda Ýfanyń «Salavat ıÝlaev» komandasymen ótken sońǵy tartysty oıyn jaıynda óz pikirin ortaǵa saldy.