Qazaqstan kásiporyndary jumysshy biliktiligin arttyrýǵa 6 ese az qarajat jumsaıdy

<p>ASTANA. KAZINFORM&nbsp;&mdash; EYDU múshe memleketteri arasynda zeınetke jaqyndap qalǵan azamattar men eńbek naryǵyna kirip jatqan azamattar arasyndaǵy biliktilikti ólsheıtin zertteý júrgiziledi.&nbsp;</p>

Onyń Qazaqstandaǵy nátıjesi týraly Májilis depýtaty Juldyz Súleımenova aıtyp berdi.

— Osy zertteýge sáıkes, Qazaqstanda úlken azamattar men jastar arasyndaǵy eńbek daǵdylarynyń úsh ese aıyrmashylyǵy bar. ıAǵnı, bizde zeınet jasyndaǵy eńbek kúshiniń biliktiligi men bilimi jastardikinen úsh ese joǵary. Endi jumys berýshiler osyǵan mán berýi kerek. Árıne, fızıkalyq qartaıý — eńbek kúshiniń zańdylyǵy, sondyqtan kele jatqan jastardyń biliktiligin arttyrýǵa kóńil bólý kerek, — dedi depýtat agenttiktiń «Bizdin orta» podkastynda.

Taǵy bir másele — elimizde jumys berýshi ózdiginen adamnyń biliktiligin arttyrýǵa den qoımaıdy, 12 qyzmetkerdiń bireýi ǵana jumys berýshi buıryǵymen biliktiligin arttyrǵan.

— Al EYDU memleketterinde árbir ekinshi adam jumys berýshi esebinen biliktiligin arttyrady. Sondyqtan kelesi másele — jumys berýshi óz jumysshylarynyń sapasyn, biliktiligin arttyryp otyrýy kerek. Bálkim buǵan da memleket tarapynan qoldaý men baǵdarlama kerek shyǵar, — deıdi J. Súleımenova.

Eńbek resýrstaryn damytý ortalyǵynyń vıtse-prezıdenti Shalqar Baıqulaqovtyń aıtýynsha, Qazaqstanda úlken kásiporyndar da EYDU elderimen salystyrǵanda, jumysshylarynyń biliktiligin arttyrýǵa 6 ese az qarajat jumsaıdy.

— Jumys kúshiniń sapasy eńbek naryǵyna eleýli áser etedi. Máselen, biz Skills Enbek platformasyn jasadyq. Onda ósimdik ósirý, ara sharýashylyǵy, býhgalterııa syndy 631 kýrs bar jáne jarty mıllıonǵa jýyq adam oqýdan ótti. «Jumys ornynda biliktilikti arttyrý» baǵdarlamasy arqyly jastar kásiporyndarǵa jiberilip, qabiletterin shyńdaıdy, — dedi Sh. Baıqulaqov.

Buǵan deıin 10-11 synyp oqýshylaryn kolledjde qatar oqytý boıynsha Parlament pen Úkimettiń ortaq kelisimge kele almaı jatqany habarlanǵan edi.