Qazaqstan kásipqoı fýtbol lıgasynyń prezıdenti saılandy
Bul sheshim Qazaqstan kásipqoı fýtbol lıgasyna múshe klýbtar ókilderiniń uıǵarymy boıynsha qabyldandy.
Almatyda dúnıege kelgen Rafael Garıbıan «Tsesna» klýbynda tálim aldy. Elimizdiń jasóspirimder quramasynda oınady. Halyqaralyq bıznes ýnıversıtetin «menedjment» mamandyǵy boıynsha bitirgen. 2009 jyly «sporttyq menedjment jáne bıznes fýtbol» mamandyǵy boıynsha magıstr dárejesine ıe boldy.
Ol menedjerlik mansabyn «Tsesna» klýbynda bastady. Atalmysh klýbta balalar men jasóspirimder fýtbolynyń kommertsııalyq strategııasyn júzege asyrdy. «Qaırat» fýtbol klýbynda marketıng jáne strategııalyq damý jónindegi dırektor laýazymynda jumys tájirıbesi bar. Sondaı-aq «Qaırat» klýbynda sport dırektory, «Qaırat-Máskeý» klýbynda basshy, «Shahter» komandasynda ákimshilik qyzmet atqardy.
Keıingi ýaqytta Qazaqstan fýtbol federatsııasynyń tehnıkalyq dırektory qyzmetin atqardy.
Buǵan deıin QKFL prezıdenti qyzmetin atqarǵan Rohýs Shoh búginnen bastap atalǵan lıganyń prezıdenti keńesshisi qyzmetine aýysady.
Eske salsaq, budan buryn Qazaqstan kýbogynyń shırek fınalyna shyqqan barlyq komanda belgili boldy.