Qazaqstan kásipqoı boks federatsııasynyń basshylyǵyna Qaırat Reıimov keldi
Reıimov Qaırat Nıetbaıulyn «Qazaqstan kásipqoı boks federatsııasynyń» ýaqytsha prezıdenti etip saılaý týraly sheshim 13 búgin Almaty qalasynda «Qazaqstan kásipqoı boks federatsııasy» atqarý komıtetiniń ashyq otyrysynda qabyldandy.
Otyrysta «Qazaqstan kásipqoı boks federatsııasy» prezıdentiniń mindetin atqarýshy qyzmetine kásipker Reımovtiń kandıdatýrasyn Qazaqstan kásipqoı boks federatsııasynyń qurmetti prezıdenti - Serik Qonaqbaev usyndy. Kásiptik boks federatsııasynyń atqarý komıtetiniń músheleri biraýyzdan daýys berdi.
Qaırat Reıimov kásipqoı boks federatsııasyn damytýdyń jańa tujyrymdamasyn usyndy. Atap aıtqanda, ol federatsııanyń atqarý komıtetiniń quramyn keńeıtip, Atqarý komıtetiniń jumysyn jandandyrmaq. Sondaı-aq, úzdiksiz quqyqtyq jáne áleýmettik qorǵaýdy qamtamasyz etip, kásibı boksshylardyń densaýlyǵy men ómirin Qazaqstan aýmaǵynda jáne odan tys jerlerde júıeli túrde qadaǵalaý máselesin nazarǵa almaq.