Qazaqstan Qarýly kúshterindegi ıdeologııalyq jumys jospary ázirlendi
«Otan qorǵaýshylar kúni qazaqstandyqtar úshin aıtýly mereke sanalatyn 1941-1945 jyldardaǵy ekinshi dúnıejúzilik soǵystaǵy Jeńis kúni qarsańynda atap ótilýinde tereń maǵyna jatyr. Bul kúnder áskerı dástúrlerdiń sabaqtastyǵymen, ata-babalarymyzdyń erligi jáne batyrlyǵymen, memlekettiń beıbitshiligi men táýelsizdigin saqtaýǵa umtylysymen tyǵyz baılanysty. Tarıh úshin 30 jyl kóp ýaqyt emes, alaıda sol kezdegi jaǵdaılar men júzege asyrylǵan jumystar shyn máninde táýelsiz Qazaqstan áskeriniń negizin qalaýda eleýli kezeń bolǵany anyq», - dedi Serik Borambaev.
General-maıordyń atap ótýinshe, tuńǵysh Qorǵanys mınıstri, ekinshi dúnıejúzilik soǵysqa qatysýshy, Keńes odaǵynyń batyry, Halyq Qaharmany, Armııa generaly Saǵadat Qojahmetuly Nurmaǵambetov el úshin kúrdeli kezeńde Qarýly kúshterge basshylyq jasady. Onyń joǵary bedeli áskerı áleýetti saqtap qalýǵa jáne jeke quram arasynda áskerı tártipti nyǵaıtýǵa yqpal etti.
«Saǵadat Qojahmetuly zamanaýı Qarýly kúshterdiń negizin qalady. Qıyn kezeńde áskerı basqarý jáne oqý oryndary ashylyp, kadrlar daıarlandy. Jedel-strategııalyq tapsyrmalardy eskere otyryp, memlekettiń jańa áskerı geografııasy quryldy. Qazaq áskeriniń qalyptasýy men damýyna tájirıbeli generaldar men ofıtserlerdiń eńbegi eren. Atap aıtqanda, Halyq qaharmany Muhtar Altynbaev, Keńes odaǵynyń batyry, Halyq qaharmany Toqtar Áýbákirov, Halyq qaharmany Baqytjan Ertaev, Seıilbek Altynbekov, Alıı Volkov, Anatolıı Vasımov, Álıhan Jarbolov, Kım Serikbaev, Almazbek Ábdirahmanov, Qadyrjan Baıjigitov, Fedor Şerbakov, Múbárek Orynbekov, Sábıt Taýlanov, Aıtqalı Isenǵulov, Ratmır Komratov, Vladmır Bondarenko, Mels Shámpıev jáne taǵy basqalary boldy. Óńirlik qolbasshylyqtardy qalyptastyrý arqyly, birte-birte áskerı-aýmaqtyq qurylymǵa kóshý, ataǵan baǵyttaǵy alǵashqy qadam boldy. Qurlyq áskerlerinde brıgadalyq júıege kóshýmen turaqty daıyndyqtyń jalpy áskerı komponentin kúsheıtýdi uıymdastyrý sharalarynyń kesheni ótkizildi. Desanttyq-shabýyldaý áskerleri quryldy. Áskerı-áýe kúshteri men Áýe shabýylyna qarsy qorǵanysy – Áýe qorǵanysy kúshterine biriktirildi. Áskerı-teńiz kúshteriniń negizi qalandy», - dep eske alady ol.
Onyń atap ótýinshe, ulttyq jáne óńirlik qaýipsizdikti nyǵaıtý múddesinde basqa memlekettermen áskerı jáne áskerı-tehnıkalyq yntymaqtastyq aıasy keńeıýde.
«BUU-nyń bitimgershilik jónindegi sımpozıým aıasynda bitimgershilik mıssııalarǵa qatysý úshin áskerı medıtsına, ınjenerlik-saperlik bólimsheler, áskerı polıtsııa jáne barlaý bólimsheleri sııaqty mamandandyrylǵan bólimshelerdi daıarlaý máselesi boıynsha ýaǵdalastyqtarǵa qol jetkizildi. Qazirgi ýaqytta tıisti bólimsheler daıarlanǵan, sondaı-aq jumyldyrylǵan barlyq áskerı qyzmetshiler shet tilderin biledi. Sol sebepti, BUU-nyń Lıvandaǵy, basqa da memleketterdegi bizdiń daıarlyq deńgeıimiz ben nátıjelerimizdi kóre otyryp, birinshi kezekte afrıkalyq elderde, Kıpr jáne Ońtústik-Shyǵys Azııada bitimgerlik tapsyrmalardy oryndaý múmkindikterin qarastyrýdaı», - dedi general-maıor.
Ol el Prezıdenti – Joǵarǵy bas qolbasshy Qasym-Jomart Kemeluly Toqaev armııaǵa úlken nazar aýdarıayp otyrǵandyǵyn aıtady.
«Ótken jyly ol ulttyq qaýipsizdiktiń jańa strategııasy men Qarýly kúshterdi damytýdyń 2030 jylǵa deıingi tujyrymdamasyn bekitti. Qabyldanǵan qujattarǵa sáıkes basym baǵyttar qatarynda áýe shabýylyna qarsy qorǵanysty, áskerı-kólik avıatsııasyn, arnaıy operatsııalar kúshterin, radıoelektrondyq barlaý jáne kúres quraldaryn, ushqyshsyz basqarylatyn apparattardy jáne «qos maqsattaǵy» quramdy damytý da bar», dedi spıker.
Onyń aıtýynsha, 2022 jyldaǵy qańtar oqıǵasy jaýyngerlik daıarlyqty arttyryp qana qoımaı, sonymen qatar áskerı qyzmetshilerdiń moraldyq rýhyn shyńdaýdyń qanshalyqty mańyzdy ekenin kórsetti. Sol sebepti, Qorǵanys mınıstrligi qazaqstandyqtardyń áskerı-patrıottyq tárbıe máselesin erekshe nazarǵa alyp otyr. Memleket basshysynyń tapsyrmasy boıynsha basqa da múddeli memlekettik organdarmen birlesip Qazaqstan Respýblıkasynyń Qarýly kúshterinde, basqa da áskerleri men áskerı quralymdarynda ıdeologııalyq jumys jospary ázirlendi. Ol memlekettik organdar basshylarynyń birlesken buıryǵymen bekitildi. Josparda ıdeologııalyq jumystyń tıimdiligin arttyrýǵa, áskerı qyzmetshilerdiń sapalyq sıpattamalaryn jaqsartýǵa, patrıottyq sanany jáne basqa da adamı jáne kásibı qasıetterdi damytýǵa baǵyttalǵan is-sharalar kózdelgen.
Sonymen qatar spıker tárbıe berý jumystaryna dástúrli tásildermen qatar, tájirıbe júzinde jańa format engizilip jatqanyn aıtady.
«Onyń qatarynda – modýlder men keıster de bar. Qazirgi ýaqytta áskerlerge jaýyngerler ómiriniń barlyq aspektilerin qamtıtyn tárbıelik sıpattaǵy 50-ge jýyq oqý modýli jiberildi. Modýlderdiń negizgi máni men maqsaty – bilim berý, oı-óristi keńeıtý, ıntellektýaldy deńgeıdi damytý jáne patrıotızmge tárbıeleý. Sondaı-aq, sýrettelgen is-áreketter túrinde ahýaldyq keısterdiń jınaǵy nemese dálirek aıtqanda, armııanyń naqty ómirinen bolǵan oqıǵalar sıpattalady. Bul keıster qol jetimdi jáne onda shyǵarmashylyq túrde jaǵymsyz saldarǵa ákeletin keıbir jaǵdaılar da kórsetiledi. Olardy taldaýda áskerı qyzmetshilerge osyndaı sátterdiń aldyn-alý boıynsha naqty usynystar beriledi. Modýlder men keısterdi jasaý kezinde jańa jumys ádisteri qoldanylǵanyn aıta ketý kerek. Aqparat broshıýra túrinde usynylǵan jáne yńǵaıly túrde usynylǵan. Bul formatty elektrondy aqparat quraldarynda qoldanýǵa bolady. Óz kezeginde ol máselelerdi qyzmetten tys ýaqytta zerdeleýge múmkindik beredi. Áskerı koýchıng tehnologııasy da nazar aýdarýǵa turarlyq. Qazirgi ýaqytta ol áskerı oqý oryndary men áskerı bólimderdi oqý-tárbıe úrdisine engizý maqsatynda synalýda. Áskerı koýchıng ishki áleýetti ashýǵa, olardyń minez-qulqyn qalyptastyrýda jáne jigerlendirýde oń ózgeristerge qol jetkizý arqyly áskerı qyzmetshilerdiń kásibı quzyretin keńeıtýge múmkindik beretin zamanaýı jáne tıimdi jeke damý quraly bolyp sanalady»,- dedi ol.
General-maıordyń aıtýynsha, jastardy áskerı-patrıottyq tárbıeleý baǵytyndaǵy «Birtutas ult – birtutas ásker» baǵdarlamasy qabyldandy. Qazaqstan Respýblıkasynyń Qarýly kúshterinde, basqa da áskerleri men áskerı quralymdarynda 2025 jylǵa deıin ıdeologııalyq jumys jospary isteıdi.
«Qazir zań shyǵarýshy organdardyń qorjynynda «Qazaqstan Respýblıkasynyń keıbir zańnamalyq aktilerine áskerı-patrıottyq tárbıe máseleleri boıynsha ózgerister men tolyqtyrýlar engizý týraly» QR Zańynyń jobasy bar. «Azamattardy áskerı-patrıottyq tárbıeleý qaǵıdalaryn bekitý týraly» QR Úkimeti qaýlysynyń jobasy ázirlenip, múddeli memlekettik organdarmen kelisýden ótedi. Búgingideı kúrdeli jaǵdaıda Otan qorǵaýshynyń batyl, erjúrek jáne senimdi kelbetin kórsetetin jasampaz beıneni ilgeriletý burynǵydan da mańyzdy bolyp otyr. Bul ıdeıa halyqtyń ótkenge qurmeti men rýhanı baı murasyna, dańqty jaýyngerlik dástúrleri men urpaqtar sabaqtastyǵyna negizdelgen», - dep túıindedi sózin Serik Borambaev.