Qazaqstan Qarýly kúshterinde qorytyndy synaqtar bastaldy
Atalǵan shara barysynda árbir áskerı qyzmetshiniń kásibı deńgeıi baǵalanatyn bolady.
Qorytyndy synaqtardyń maqsaty áskerlerdiń jaýyngerlik jáne jumyldyrý daıyndyǵynyń naqty jaı-kúıi men jeke quramnyń daıarlyq deńgeıin aıqyndaý, sondaı-aq komandırlerge kúndelikti jáne oqý-jaýyngerlik qyzmetti uıymdastyrý boıynsha jumys nysandary men ádisterin jetildirýde praktıkalyq kómek kórsetý bolyp tabylady.
Bas shtabtyń, ásker túrleri bas qolbasshylarynyń, óńirlik qolbasshylyqtar men ásker tekteri qolbasshylarynyń, áskerı bólim komandırleriniń komıssııalary qazan aıynda barlyq bólimshelerdi tekseristen ótkizetin bolady.
– Tekserý barysynda jeke quramnyń jaýyngerlik daǵdysynyń deńgeıi, bólimshelerdiń úılesimdiligi, jaýyngerlik ázirliktiń jaı-kúıi aıqyndalady. Qarý-jaraq pen áskerı tehnıkanyń jaramdylyǵy da tekseriledi. Tárbıe jumysynyń, quqyqtyq jáne áskerı tártiptiń, sondaı-aq áskerı qyzmettiń qaýipsizdik jaǵdaıy zerdelenedi. Osy kórsetkishter boıynsha baǵynystaǵy áskerlerdi basqarýdyń tıimdiligin naqty baǵalaýǵa bolady, – dep atap ótti teńiz jaıaý áskerleri quramasyn tekserý jónindegi komıssııanyń tóraǵasy polkovnık Andreı Nıkıforov.
Áskerı qyzmetshiler taktıkalyq, arnaıy, atys, saptyq, dene shynyqtyrý daıyndyǵyn, jaýyngerlik mashınalar men avtomobıl tehnıkasyn júrgizý, radıatsııalyq, hımııalyq jáne bıologııalyq qorǵaý, áskerı topografııany qamtıtyn jaýyngerlik oqýdyń negizgi pánderinen synaqtar tapsyrady. Ofıtserler quramynyń kásibı daıyndyǵyna da aıryqsha nazar aýdarylmaq.
Foto:gov.kz