Qazaqstan qansha balyq ónimin ımporttaıdy

NUR-SULTAN. QazAqparat –2020 jyly Qazaqstan 35,7 myń tonna kóleminde balyq ónimin eksporttady. Bul týraly Ekologııa, geologııa jáne tabıǵı resýrstar mınıstrligi Balyq sharýashylyǵy komıtetiniń tóraǵasy Narıman Júnisov aıtty, dep habarlaıdy QazAqparat tilshisi.

«Balyq resýrstarynyń tabıǵı qorlarynyń turaqty jaı-kúıiniń arqasynda 2020 jyly 47 myń tonna balyq aýlanǵan. Óz kezeginde, shıkizattyń bolýy 75 mln AQSh dollary somasyna 35,7 myń tonna kóleminde balyq ónimderin óńdeýge jáne eksporttaýǵa múmkindik berdi. Balyq ónimderiniń ımporty 72,1 mln AQSh dollary somasyna 43,6 myń tonnany qurady, bul rette ımporttyń negizgi bóligi muhıt balyǵy men teńiz ónimderi», - dedi N. Júnisov Ortalyq kommýnıkatsııalar qyzmetinde.

Budan buryn habarlanǵandaı, balyq sharýashylyǵyn damytýdyń 2030 jylǵa deıingi baǵdarlamasy aıasynda balyq qsirý qaı deńgeıde artatyny aıtyldy.

«Baǵdarlamada qolda bar áleýetti eskere otyryp, 2030 jylǵa qaraı ósirilgen balyq kólemin jylyna 270 myń tonnaǵa deıin ulǵaıtý mindeti qoıylǵan. Ósirý kólemin ulǵaıtý balyq ósirýge jaramdy sý aıdyndaryn paıdalaný, sondaı-aq jańa ınvestıtsııalyq ındýstrııalyq balyq ósirý jobalaryn iske asyrý jáne jumys istep turǵan sharýashylyqtardy jobalyq qýatyna deıin jetkizý esebinen josparlanyp otyr», - dedi komıtet basshysy.