Qazaqstan qandaı azyq-túlik ımportyna táýeldi

ASTANA. QazAqparat – QR Saýda jáne ıntegratsııalar mınıstri Serik Jumanǵarın elimiz qandaı azyq-túlik ımportyna táýeldi bolyp otyrǵanyn aıtty, dep habarlaıdy QazAqparat tilshisi.

«Bizdiń esebimiz boıynsha, qazirgi ýaqytta mynadaı ımporttalatyn taýarlarǵa táýeldimiz: qant, taýyq eti, irimshik jáne súzbe, sary maı, kúnbaǵys maıy, makaron ónimderi jáne maýsymaralyq kezeńde qyryqqabat pen pııaz. 2022 jyldyń qorytyndysy boıynsha áleýmettik mańyzy bar 9 azyq-túlik boıynsha ımportqa táýeldilik 16,2%-dan 55,9%-ǵa deıin jáne qant boıynsha 90% kórsetkishke jetti», - dedi mınıstr Úkimet otyrysynda.

Sonymen birge, keıbir taýarlar boıynsha halyq óz tutynýynan edáýir joǵary qamtamasyz etilgen.

«Alaıda, kórshi naryqtardaǵy jaǵdaılarǵa baılanysty, ásirese, kókónis ónimderine agressıvti eksportty baıqaýdamyz. Biz ishki naryqty qamtamasyz etetin jáne azyq-túlik sektoryndaǵy daǵdarystarǵa tózimdi saıasatyn qurýymyz kerek», - dedi Serik Jumanǵarın.

Buǵan deıin Premer-Mınıstr Álıhan Smaıylov azyq-túlik qymbattamaý úshin qandaı sharalar qolǵa alynǵanyn aıtqan edi.