Qazaqstan Kabýlda bolǵan terrorıstik aktini qatań aıyptady
20:33, 12 Qańtar 2023
ASTANA. QazAqparat - Qazaqstan Respýblıkasynyń Syrtqy ister mınıstrligi Kabýldaǵy teraktqa qatysty málimdeme taratty, dep habarlaıdy QazAqparat.
«QR Syrtqy ister mınıstrligi 11 qańtarda Kabýldaǵy ákimshilik ǵımarattyń janynda nátıjesinde ondaǵan adam qaza tapqan terrorıstik aktini qatań aıyptaıdy. Mınıstrlik qaza tapqandardyń otbasylaryna qaıǵyra kóńil aıtady jáne Aýǵanstan bıligin óz aýmaǵyndaǵy terrorızm kózderin joıý boıynsha kúresti kúsheıtýge shaqyrady», - delingen SІM habarlamasynda.
Aıta ketsek, keshe Kabýldaǵy ákimshilik ǵımarattyń janynda terrorıstik akti bolyp, kóptegen adam kóz jumdy.
Foto:gov.kz