Qazaqstan IYU syrtqy ister mınıstrleri keńesiniń otyrysyna qatysty
Forýmnyń kún tártibi óte mazmundy boldy. Eki kún ishinde Uıymǵa múshe 56 memlekettiń syrtqy ister mınıstrleri ıslam álemindegi saıası ahýalǵa, memleketaralyq qatynastardy nyǵaıtý joldaryna, ekonomıkalyq jáne gýmanıtarlyq yntymaqtastyqqa qatysty aýqymdy máselelerdi qarady. Mınıstrler jınalysynyń qatysýshylary túrli áskerı-saıası jáne gýmanıtarlyq daǵdarystardy sheshý jónindegi sharalardy talqylady.
Óz sózinde Syrtqy ister mınıstri B. Atamqulov qurylǵanyna 50 jyl tolǵan IYU-nyń erekshe rólin atap ótti. Kóptegen basqa halyqaralyq uıymdar sııaqty, búgingi kúni IYU da biraz qıyndyqtarǵa tap bolýda. Osyǵan baılanysty Uıymdy reformalaý qajettiligi týraly musylman áleminiń ózekti máselelerin sheshýde onyń tıimdiligin arttyrýǵa qyzmet etetindigi týraly aıtyldy.
Mınıstr Palestına máselesin ádil jáne jan-jaqty sheshý qajettigin, Taıaý Shyǵystaǵy beıbitshilik protsesin jáne Aýǵanstandaǵy ahýaldy turaqtandyrý qajettigin atap ótti. Sırııadaǵy daǵdarysqa nazar aýdarǵan B.Atamqulov halyqaralyq qoǵamdastyqtyń, sonyń ishinde 2019 jyly sáýir aıynda Astanada 12-shi raýndy ótetin Sırııa boıynsha Astana protsesi sheńberinde qolǵa alǵan kúsh-jigerdi jalǵastyrýdyń mańyzdylyǵyn málimdedi.
Pákistan men Úndistan arasyndaǵy shıelenis týraly alańdaýshylyq bildire otyryp, qazaqstandyq delegatsııa basshysy taraptardy eń aldymen ahýaldyń odan ári ýshyǵýdyń aldyn alý úshin aımaqtyq jáne jahandyq qaýipsizdiktiń negizgi múddelerine negizdilgen barynsha sabyrlylyq pen halyqaralyq quqyq normalaryn saqtaýǵa shaqyrdy.
Syrtqy saıası vedomstvonyń basshysy Qazaqstan Respýblıkasynyń Prezıdenti Nursultan Nazarbaevtyń Uıym aıasyndaǵy syrtqy saıası bastamalaryn iske asyrýdyń qadamdaryna nazar aýdardy. Qazaqstan forým qatysýshylaryn IYU jaýapkershilik salasyndaǵy ártúrli syn-qaterlerge jan-jaqty sheshim tabý úshin keń jáne ıkemdi platforma bolyp tabylatyn Islamdyq tatýlastyq bastamasyn júzege asyrýǵa belsene qatysýǵa shaqyrdy.
Álemdik jáne dástúrli dinder kóshbasshylary seziniń alańy arqyly Qazaqstan toleranttylyq pen konfessııaaralyq kelisim ıdeıalaryn nasıhattaýǵa eleýli úles qosqany atap ótildi. Terrorızmnen azat álemge qol jetkizý tártibi kodeksin qabyldaý týraly Qazaqstannyń bastamasyna qosylǵan IYU elderine alǵys bildirilip, bul terrorızm jáne ekstremızmge qarsy kúreske beıildiliktiń kórinisi bolyp tabyldy.
Astana - bıyl Qazaqstanda Bas Assambleıasynyń ekinshi sessııasy ótetin Azyq-túlik qaýipsizdigi jónindegi ıslam uıymynyń (AQIU) qurylýynyń avtory. IYU múshe memleketteri elimizge aýyl sharýashylyǵyn damytý, azyq-túlikpen qamtamasyz etý jáne ashtyqqa qarsy kúrestiń jalpy saıasatyn úılestirý salasynda basshylyq rólin beredi. Osyǵan oraı, qazaqstandyq delegatsııa forým qonaqtaryn AQIU qyzmetine belsene qatysýǵa shaqyrdy.
Bul is-sharada musylman álemin ǵylymı-tehnıkalyq áleýetti damytýǵa jumyldyrý jónindegi qazaqstandyq kózqaras aıtyldy, onyń ishinde 2017 jylǵy qyrkúıekte Astana qalasynda ótken Ǵylym jáne tehnologııalar jónindegi birinshi Sammıtiniń qorytyndylary boıynsha Qazaqstannyń bastamalary aıasyndaǵy qózqaras. Bizdiń el IYU Hatshylyǵymen birlese otyryp, ǵylym jáne tehnologııa boıynsha 15 jetekshi ıslam elin biriktirý arqyly qosymsha dıalogtyq alań qurý boıynsha jumysty jalǵastyrady.
Memleket basshysynyń bastamasyn jalǵastyryp, 2020 jyly Tashkentte ǵylym jáne tehnologııa boıynsha IYU ekinshi Sammıtin uıymdastyrýy úshin Ózbekstanǵa erekshe alǵys bildirildi.
Mınıstrler Keńesiniń jumysy barysynda IYU-ǵa múshe memleketterge áser etetin birqatar máselelerdi sheshýge baǵyttalǵan saıası, ekonomıkalyq, quqyqtyq, gýmanıtarlyq, ákimshilik jáne qarjylyq máseleleri boıynsha 130-dan astam qarar qabyldandy. Barlyq qazaqstandyq bastamalar tıisti Mınıstrler Keńesiniń qujattarynda bekitildi.