Qazaqstan Italııaǵa negizgi bıdaı jetkizýshi memleketterdiń biri – Prezıdent

<p>RIM. KAZINFORM &ndash; Memleket basshysy Qasym-Jomart Toqaev Italııaǵa resmı sapary aıasynda Bonifiche Ferraresi kompanııasynyń Bas atqarýshy dırektory Federıko Vekkonıdi qabyldady, dep málim etti <a href="https://akorda.kz/kz/memleket-basshysy-bonifiche-ferraresi-kompaniyasynyn-bas-atkarushy-direktory-federiko-vekkonidi-kabyldady-1903251" target="_blank" rel="noopener">Aqordanyń</a> baspasóz qyzmetinen.</p>

Q. Toqaev pen F.Vekkonı Qazaqstannyń agrarlyq sektoryndaǵy ınvestıtsııalyq jobalardy iske asyrý perspektıvalaryn talqylady.

QR Prezıdenti elimiz bıdaı ósirý boıynsha kóshbasshy elderdiń qataryna kiretinin atap ótti. Onyń aıtýynsha, Qazaqstan Italııaǵa negizgi bıdaı jetkizýshi memleketterdiń biri, sondaı-aq el ishinde astyq óńdeý úlesin arttyrýdy josparlap otyr.

Foto: Aqorda

 

Óz kezeginde Federıko Vekkonı kompanııanyń Qazaqstanda ıtalııalyq tehnologııalardy paıdalana otyryp, dándi daqyldardy ósirý jáne ónimdi odan ári tereń óńdeý jónindegi jobalardy iske asyrýǵa, sondaı-aq mamandar daıarlaýǵa jáne tehnologııa transfertine qatysty jospary týraly aıtty.

Memleket basshysy Úkimettiń kompanııaǵa jan-jaqty kómek kórsetýge daıyn ekenin jetkizdi.

Sonymen qatar ıtalııalyq kompanııa ıntensıvti baý-baqsha sharýashylyǵyn jáne tuqym sharýashylyǵyn damytý jónindegi birlesken jobalardy iske asyrý múmkindigin qarastyrýdy usyndy.