Qazaqstan Italııaǵa quny 260 mln dollar ónim eksporttaýǵa qaýqarly — mınıstr

<p>RIM.KAZINFORM - Qazaqstan men Italııa arasyndaǵy saýda qarym-qatynasyn keńeıtýdi, &laquo;Made in Kazakhstan with Italy&raquo; biryńǵaı tujyrymdamasyn engizýdi talqylady. Bul týraly QR saýda jáne ıntegratsııa mınıstrliginiń baspasóz qyzmeti habarlady.</p>

Memleket basshysy Qasym-Jomart Toqaevtyń Italııa Respýblıkasyna qańtar aıyndaǵy saparynyń qorytyndysy boıynsha kelisimderdi is júzinde iske asyrý aıasynda QR saýda jáne ıntegratsııa mınıstri Arman Shaqqalıev «Italııada jasalǵan» kásipkerlik jáne ónim isteri mınıstri Adolfo Ýrso myrzamen Rım qalasynda kezdesti. Arman Shaqqalıevtiń aıtýynsha, Qazaqstan men Italııa arasynda ózara tıimdi yntymaqtastyqtyń tabysty tájirıbesi qalyptasty. 

Sonymen qatar, Arman Shaqqalıev bizdiń elderimizdiń ekonomıkalyq saladaǵy áriptestikti odan ári tereńdetý úshin úlken múmkindikter baryn aıtty.

«Qazaqstannan Italııaǵa óńdelgen ónim eksportynyń áleýeti 260 mln dollardan asady. Organıkalyq tamaq óniminiń aıtarlyqtaı artyqshylyǵy bar. Bizdiń boljaýymyzsha, Italııa naryǵynda suranysqa ıe taýarlardyń biri ol jylqy eti. Qazaqstan organıkalyq salqyndatylǵan jylqy etin, sondaı-aq ýyldyryq pen baldyń eksporttyq jetkizilimin usyna alady», — dedi kezdesýde mınıstr.

Jyl saıyn Italııa 140 mln dollardan astam somaǵa jylqy etin ımporttaıtynyn eskersek, qazaqstandyq kompanııalar ıtalıandyq satyp alýshylarǵa sapaly et jetkize alar edi.

2024 jylǵy qańtarda Qazaqstan men Italııa memleket basshylary arasynda qol jetkizilgen kelisimder aıasynda Arman Shaqqalıev «Made in Kazakhstan with Italy» biryńǵaı tujyrymdamasyn qurý jáne ilgeriletý máselesin pysyqtaýdy usyndy. Bul saýda markasyn Italııa men Qazaqstannyń ShOB birlesip shyǵarǵan taýarlar úshin paıdalanýǵa bolady.

«Іshki óndiristi yntalandyrý maqsatynda biz qazaqstanda shyǵarylǵan taýarlar tizilimin iske qosýdy josparlap otyrmyz. Ol barlyq múddeli taraptarǵa qoljetimdi bolady jáne qazaqstandyq taýarlar týraly málimetterdiń jalǵyz derekkózine aınalady. Osy tizilimdegi taýarlar memlekettik qoldaý alýǵa quqyly bolady», — dedi Qazaqstannyń saýda jáne ıntegratsııa mınıstri.

Kásipkerlik jáne ónim isteri mınıstri Adolfo Ýrso Made in Italy tujyrymdamasy búginde ónimdi jahandyq sáıkestendirý, turaqty taýar, «sapasy jaqsy», «tanymal» uǵymdaryn qamtıtyn áleýmettik turaqtylyq týraly ekenin atap ótti. Ol biryńǵaı brend qurý bastamany qoldady. Mınıstrdiń pikirinshe, óndirýshi «Qazaqstanda jasalǵan» belgisimen ónim shyǵarý úshin, ol, birinshi kezekte, kóptegen basqa brendterden erekshelený úshin óz ónimderiniń aıyryqsha qasıetin atap ótýi kerek.