Qazaqstan-Italııa arasyndaǵy yntymaqtastyq: Mılan qalasyna áýe reısi ashyldy

<p>ASTANA. KAZINFORM &ndash; Búgin Astana halyqaralyq áýejaıynan Italııanyń Mılan qalasyna tuńǵysh áýe reısi baǵyt aldy. Almaty-Astana-Mılan baǵytyndaǵy ushaqqa mingen týrıster tarıhı sátti bastan keshti.</p>

Reısti ıtalıandyq NEOS áýe kompanııasy júzege asyratynyn atap ótken jón. 

NEOS 2001 jyly eki týrıstik fırmanyń birlesken kásiporny retinde quryldy – ıtalıandyq Alpitour S. p.a. jáne nemis TUI Group.

Italııanyń eń iri jeke áýe kompanııalarynyń biri retinde NEOS búginde 70-ten astam baǵytty júzege asyryp otyr.

«Bul kópten kútken oqıǵa. Biz NEOS áýe kompanııasyna yntymaqtastyq úshin alǵysymyzdy bildiremiz. Jańa reıstiń ashylýy týrıstik aǵynnyń damýyna jáne elder arasyndaǵy mádenı jáne iskerlik baılanystardyń nyǵaıýyna yqpal etetinine senimdimiz. Astana halyqaralyq áýejaıy jańa reısti qarsy alýǵa qýanyshty jáne tabysty yntymaqtastyqqa úmittenedi», - dedi QR Indýstrııa jáne ınfraqurylymdyq damý mınıstrligi Azamattyq avıatsııa komıtetiniń avıatsııalyq tasymaldar basqarmasynyń basshysy Ádilet Kóbenov jańa reıstiń saltanatty rásiminde.

NEOS áýe kompanııasynyń reısteri aptasyna eki ret Boeing 787 Dreamliner ushaǵymen júzege asyrylady. Endigi jerde jolaýshylarǵa Mılannan Qazaqstan astanasyna jáne keri qaıtýǵa jedel ári jaıly jetýge múmkindik zor.

Eki shahar arasynda tikeleı áýe qatynasynyń ashylýy saýda-ekonomıkalyq, mádenı-gýmanıtarlyq baılanystar men týrızmniń damýyna, Qazaqstannyń azamattyq avıatsııasy men kólik-logıstıka salasynyń jandanýyna oń áser etpek.