Qazaqstan Islam yntymaqtastyq uıymynyń shuǵyl otyrysyna qatysty
Qatysýshylar Palestına aýmaǵynyń bir bóligine, onyń ishinde Iordan ózeniniń batys jaǵalaýyna Izraıl egemendigin taratý josparyna qatysty ujymdyq ustanymdy talqylap, tujyrymdady.
Qazaqstandyq delegatsııany QR Syrtqy ister mınıstriniń birinshi orynbasary Shahrat Nuryshev basqardy. Óz sózinde ol elimiz BUU Qaýipsizdik keńesiniń, 2002 jylǵy Arab beıbit bastamasynyń tıisti qararlaryna sáıkes keletin Halyqaralyq quqyq negizinde Palestına-Izraıl qaqtyǵysyn retteýdi jaqtaıtynyn jáne 1967 jylǵy shekara boıynsha Shyǵys Ierýsalımdegi astanasy bar Palestına Memleketiniń qurylýyn qoldaıtynyn atap ótti.
Qazaqstan qaqtyǵysýshy taraptardy birjaqty qadamdardan bas tartýǵa jáne «eki halyq úshin eki memleket» qaǵıdaty negizinde aldyn ala shart jasamaı kelissóz protsesin qaıta bastaýǵa shaqyrady.
Sh. Nuryshev, sondaı-aq zorlyq-zombylyqtan bas tartýǵa negizdelgen múddeli taraptardyń syndarly dıalogy olardyń arasyndaǵy qaıshylyqtardy eńserýdiń jalǵyz qolaıly joly bolyp tabylatynyn atap ótti.
Otyrys Saýd Arabııasy men Palestınanyń syrtqy saıası vedomstvolarymen IYU Bas Hatshylyǵyn úılestirýimen uıymdastyryldy. Іs-sharaǵa 39 astam eldiń delegatsııalary, onyń ishinde 24 mınıstrler deńgeıinde qatysty.
IYU 2008 jylǵy 14 naýryzdaǵy Jarǵysynyń 12-babyna sáıkes Atqarýshy komıtetke osy, aldyńǵy jáne bolashaq Islam sammıtteriniń (Túrkııa, Saýd Arabııasy, Gambııa) jáne syrtqy ister mınıstrleri keńesi sessııalarynyń (Bangladesh, Birikken Arab Ámirlikteri, Nıger), sondaı-aq Bas hatshylyqtyń shtab-páteri ornalasqan elder (Saýd Arabııasy) jáne atqaratyn qyzmetine baılanysty Bas hatshy kiredi. Atqarýshy komıtettiń ashyq otyrystary barlyq múshe memleketterdiń qatysýymen ótkiziledi.
Qazaqstan IYU-nyń 1995 jyldan bastap tolyq quqyly múshesi. Uıymnyń quramyna 56 musylman memleketi kiredi.