Qazaqstan ıslam elderine ıadrolyq energetıka salasyndaǵy yntymaqtastyqty usyndy

ASTANA. QazAqparat - Qazaqstan ıslam elderine ıadrolyq energetıka salasyndaǵy yntymaqtastyqty usyndy. Bul týraly búgin IYU sammıtiniń qorytyndysyna arnalǵan baspasóz máslıhatynda QR Bilim jáne ǵylym mınıstrligi Ǵylym komıtetiniń tóraǵasy Bolatbek Ábdirasylov málim etti, dep habarlaıdy QazAqparat.

«Búginge Qazaqstan óziniń ǵylymı zertteýler qarqyndy damytý ústinde. Bizde biregeı ıadrolyq reaktorlardyń biri bar. Ol áli kúnge jumys istep turǵan - Stepnogorskidegi ıAdrolyq fızıka ınstıtýtyndaǵy Tokamak reaktory. Menińshe, dál osy nysannyń ıadrolyq energetıka boıynsha zertteýlerde ıslam álem elderiniń ǵalymdaryn biriktirýde óte jaqsy keleshegi bar. Keshe BAÁ ókili elinde ıadrolyq reaktor qurylysy qarqyndy bastalǵanyn aıtyp edi. Tolyqtaı alǵanda bul da zertteýlerdegi keleshegi zor baǵyt bola alady dep sanaımyn», - dedi ol.

Sonymen qatar ol ıslam ǵalymdary klımattyń ózgerýine qatysty da birlese jumys isteı alatyndyǵyn atap ótti.

«ıÝNESKO sheshimimen Qazaqstanda 2-shi sanatty búkilálemdik glıatsıologııalyq ortalyq quratyndyǵy týrasynda habarlandyrǵym keledi. Ol Almatyda jumys isteıtin bolady. Ortalyq muzdyqtardyń erýin jáne sý problemalaryn zertteýmen aınalysady. Osy oraıda klımattyń ózgerýi máselesinde bizdiń ǵalymdarymyzdyń kúsh-jigerin shoǵyrlandyrý qyzyqty bolar edi», - dedi B.Ábdirasylov.

Sonymen qatar komıtet basshysy musylman ǵalymdary úshin jańa tehnologııalar, jańa materıaldar, ǵarysh, medıtsına salalarynda da birlese jumys isteýge zor múmkindik bar ekendigin aıtty.