Qazaqstan Iranmen turaqty temirjol baılanysyn damytpaq

ASTANA. QazAqparat -  Qazaqstan Iranmen turaqty temirjol baılanysyn iske qosýdy qarastyrýda. Bul týraly búgin elordada ótken Táýelsiz ál-aýqat qorlary halyqaralyq forýmynyń (IFSWF) 9-shy otyrysynda «Qazaqstan temir joly» AQ-nyń prezıdenti Qanat Alpysbaev málim etti, dep habarlaıdy QazAqparat.

«Qazirgi ýaqytta bizben saýda-sattyq jasaıtyn Qytaıdyń 17 ólkesimen tikeleı jumys isteımiz. Endigi ýaqytta Qytaıdan Eýropaǵa óndiristik protsester úshin komponentter tasymaldaýmen aınalysatyn Hewlett-Packard, Foxconn syndy kompanııalarmen jumys istegimiz keledi»,- ded ol.

Sonymen qatar ol Qazaqstan Qytaıdy Iranmen qosatyn temirjolǵa qosymsha jeli jalǵaýǵa nıetti ekendigin jetkizdi.

«Ótken jyly bizde  ıÝ portynan Tegeranǵa deıin júk jetkizýge baǵyttalǵan ilki joba bolǵan edi. Taǵy bir qyzyqty áleýet - ol Qytaı-Túrkııa, Qytaı-Kavkaz dálizi boıynsha jumys. Menińshe, Ázerbaıjan men Túrkııadaǵy áriptesterimiz sáıkesinshe temir joldardyń áleýetin kóteretin bolady», - dedi Alpysbaev.

Onyń aıtýynsha, 2010-2016 jyldary Qazaqstan temir joldardy damytýǵa 25 mlrd dollar ınvestıtsııa saldy.

«Biz jelilerimizdi, ásirese sheteldegilerin ulǵaıtý protsesin iske qostyq. Máselen, Qytaıdyń porttary arqyly Ońtústik-Shyǵys Azııadan jetkiziletin taýlarlardy shoǵyrlandyrý úshin hab qurdyq. Sonymen qatar Iranmen turaqty temirjol baılanysyn iske qosýdy qarastyryp jatyrmyz», -dedi QTJ prezıdenti.