Qazaqstan Iran men Mysyrǵa astyq satyp, kókónis ımporttaýy múmkin

ASTANA. QazAqparat – Saýda jáne ıntegratsııa vıtske-mınıstri Janel Kýshýkova Qazaqstan astyǵyn Iran men Mysyrǵa satýdyń jolyn qarastyrylp jatqanyn aıtty, dep habarlaıdy QazAqparat tilshisi.

«Biz otandyq ónimderdiń satylym naryǵyn ártaraptandyrý baǵytyndaǵy jumystardy jalǵastyramyz. Qazir Iranmen, Mysyrmen erkin saýda aımaqtaryn qurý boıynsha kelissózder belsendi túrde júrýde.

Kelissózge tartylǵan mamandar seriktesterden bıdaı, un, arpa eksportyn bajsyz ótkizýdiń joldaryn izdeýde. Esesine Qazaqstan bul elderden kókónis pen jemis-jıdek ákele alady. Bul bizdiń naryqty qys pen kóktemde sapaly jáne arzan aýylsharýashylyq ónimderimen qamtamasyz etýge múmkindik beredi», - dedi vıtse-mınıstr vedomstvonyń keńeıtilgen alqa májilisinde.

Onyń aıtýynsha atalǵan kelissózder sátti aıaqtalsa, qazaqstandyq eksporttaýshylardy 600 mln dollarlyq naryqqa shyǵarady.

«Bul kelissózderdi bıyl aıaqtaý josparlanǵan», - dedi Janel Kýshýkova