Qazaqstan-ıran iskerlik keńesi eki eldiń strategııalyq seriktestigin nyǵaıtady (FOTO)
Eske sala keteıik, 2015 jyldyń qazan aıynda qazaqstan men Iran iskerlik keńesteriniń, Qazaqstannyń Syrtqy saýda palatasy men Irannyń Saýda-Ónerkásip palatasynyń arasynda yntymaqtastyq týraly memorandýmǵa qol qoıyldy, sonyń aıasynda QR SSP saýda-ekonomıkalyq yntymaqtastyqty jandandyrý boıynsha Іskerlik keńes otyrysynyń uıymdastyrdy.
«Eger Irannyń naryǵyn taldaıtyn bolsaq, búginde birneshe ondaǵan taýarlarǵa suranys boıynsha Irannyń ekporty 2014 jyly 6 mlrd dollardy, Qazaqstannyń atalǵan pozıtsııalar boıynsha álemdik ekporty - 1,9 mlrd dollardy, al Qazaqstannyń Iranǵa ekporty - 498,5 mln dollardy qurady.
Qazirgi kezde qazaqstandyq kásipkerlerdiń aldynda metallýrgııa, azyq-túlik jáne hımııa ónerkásibi, mashına jasaý ónimderi jáne qurylys materıaldaryn Iran naryǵyna jetkizýdiń úlken múmkindigi týyp otyr», - dep atap ótti Qazaqstan syrtqy saýda palatasy basqarmasynyń tóraǵasy Meıirbek Májıtov ІK qatysýshylaryna arnaǵan sózinde.