«Qazaqstan ıpotekalyq kompanııasy» dırektorlar keńesiniń tóraǵasy aýysty

ASTANA. QazAqparat -  Qazaqstandyq qarjy bırjasy saıtynda «Qazaqstan ıpotekalyq kompanııasy» AQ dırektorlar keńesiniń jańa basshysy saılanǵany týraly habarlandy.

  KASE saıtynda tıisti hattamadan úzindi jarııalandy. 

 «Dırektorlar keńesi qabyldaǵan sheshim: «Qazaqstan ıpotekalyq kompanııasy IU» AQ dırektorlar keńesiniń tóraǵasy bolyp Arıfhanov Aıdar Ábdirazaquly saılansyn», - dep atap ótedi qujatta.

Budan buryn dırektorlar keńesi basqarmasy tóraǵasynyń orynbasarlary Rahymjanov Abylaı Teńizbaıuly men Isambaev Qanat Áshimulyn saılaý sheshimi qabyldanǵany habarlanǵan.

Eske salsaq, «Qazaqstan ıpotekalyq kompanııasy» AQ halyqty turǵyn úımen qamtamasyz etý memlekettik baǵdarlamasynyń operatory bolyp tabylady.