Qazaqstan ınvestıtsııa tartýda jaqsy nátıje kórsetti - DSU basshysy

ASTANA. QazAqparat - Dúnıejúzilik saýda uıymynyń bas dırektory Robertý Azevedý Qazaqstannyń ınvestıtsııalyq klımatyn joǵary baǵalady, dep habarlaıdy QazAqparat tilshisi.

«Investıtsııa men saýdanyń ashyqtyǵy saıasatyn qabyldaý arqyly Qazaqstan jáne basqa da eýrazııalyq ekonomıkalar sońǵy 20 jylda úlken tabysqa qol jetkizdi. Inflıatsııa tómendep, aıtarlyqtaı ekonomıkalyq ósim baıqaldy, kedeıshilik azaıdy jáne kópjaqty saýda júıesi osynyń bárine yqpal etedi. Bul baǵytta Qazaqstannyń qoldaýy óte mańyzdy», - dep atap ótti Robertý Azevedý Astanada Damý maqsatynda saýdaǵa jáne ınvestıtsııalarǵa járdemdesý máselelerine arnalǵan joǵary deńgeıli forýmda.

Sondaı-aq, DSU bas dırektory saýdanyń jahandyq ósimi boljamyn qaıta qaraǵandaryn habarlady.

«DSU saýda ósimi boljamyn qaıta qaraıdy. Atap aıtqanda 3,9 % ósimdi boljap otyrmyz jáne muny jaqsy ósim dep sanaımyz. Jahandyq saýda soǵysyn qosa alǵanda, birqatar jaǵdaıdy boljap kórdik. Eger barlyq memleketter seriktestiktiń bolmaýynan tarıfter ornatsa, bul jahandyq saýda naryǵyn 17%-ke, al JІÓ ósimin 7,5%-ke qysqartady", - dep túsindirdi R. Azevedý.

DSU basshysy jaǵdaıdy jaqsartýǵa kúsh salý qajettigin atap ótti.

«Bul jaǵdaıda tájirıbe qoldanyla bermeıdi jáne júıeni ózgertý qajet. Eń joǵary saıası deńgeıde sheshimder qabyldanýy kerek dep oılaımyn. Bizdiń búgingi talqylaýymyz aqparattyq tehnologııalardy ilgeriletýge, Eýrazııa aımaǵyndaǵy máselelerdi sheshý jolyn kórsetýge septigin tıgizedi", - deıdi Azevedý.

Onyń aıtýynsha, 2017 jyly sheteldik ınvestıtsııalar aǵynynyń jalpy kólemi 20% qysqarǵan.

«2018 jylǵa boljamymyz anaǵurlym jaqsyraq. Áıtse de, ekonomıka men saýda ósimi áli anyqtalmaı otyr. Shıkizat baǵasynyń artýynan jahandyq tikeleı sheteldik ınvestıtsııalar kóbeıetin shyǵar. Qazaqstan sheteldik ınvestıtsııalardy tartý boıynsha eleýli tabystarǵa qol jetkizdi. Biz DSU músheleri retinde ne isteı alamyz? Munda jahandyq deńgeıde járdemdesý mańyzdy ról atqarady. DSU keıbir músheleri uıymnyń ınvestıtsııalarǵa qaıda jáne qalaı járdemdese alatyny týraly qurylymdyq talqylaýlar ótkizedi. Mundaı talqylaýlar halyqaralyq saýda júıesi men bıznes qoldanýshylarynyń, kásipkerlerdiń aldyndaǵy syn-tegeýrinderdi boljaýǵa kómektesedi», - dep málimdedi Robertý Azevedý.

Eske sala ketsek, keshe Memleket basshysy Nursultan Nazarbaev DSU bas dırektory Robertý Azevedýmen kezdesti. Nursultan Nazarbaev Dúnıejúzilik saýda uıymynyń elder arasyndaǵy saýda-ekonomıkalyq qarym-qatynasty nyǵaıtýdy jáne keńeıtýdi kózdeıtin basty qaǵıdattaryn Qazaqstannyń tolyq qoldaıtynyn atap ótti.