Qazaqstan ınvestıtsııa quıýǵa eń qolaıly jer bolyp tabylady - German Gref

ASTANA. QazAqparat - Búgin Astanada Qazaqstan Premer-Mınıstri Kárim Másimov memlekettik organdar men ulttyq kompanııalar basshylarynyń Astana ekonomıkalyq forýmynyń delegattarymen kezdesýine qatysty, dep habarlandy primeminister.kz saıtynda.

Іs-sharaǵa ulttyq ekonomıka mınıstri Qýandyq Bıshimbaev, qarjy mınıstri Baqyt Sultanov, «Báıterek» UBH» AQ basqarma tóraǵasy Erbolat Dosaev, «Polpharma» qadaǵalaý keńesiniń prezıdenti Ejı Starak, Reseı Sberbankiniń basqarma tóraǵasy German Gref, ExxonMobil Development Company kompanııasynyń prezıdenti Neıl Dýffın jáne basqalary qatysty.

Kezdesýge qatysýshylar Qazaqstandaǵy jekeshelendirý baǵdarlamasyn júzege asyrý barysyn, sondaı-aq Astana Halyqaralyq qarjy ortalyǵyn iske qosqan soń ashylatyn jańa ınvestıtsııalyq múmkindikterdi talqylady.

Shetel kompanııalarynyń ókilderi bizdiń eldiń aıtarlyqtaı iskerlik áleýetin aıtyp ótti. Sonymen, G.Greftiń pikirinshe, «Qazaqstan, bálkim, ınvestıtsııa quıýǵa eń qolaıly jer bolyp tabylady».

Sheteldik sarapshylar Qazaqstanda jekeshelendirý júrgizý bastamasyn qoldap, halyqaralyq tájirıbeni alǵa tartyp, onyń ekonomıkalyq jáne áleýmettik salalarǵa jaǵymdy áserin aıtyp ótti.

Kezdesý sońynda Kárim Másimov ekonomıkada júrgizilip jatqan qurylymdyq ózgerister Qazaqstanǵa jańa jahandyq syn-qaterlerge tıimdi qarsy turýǵa múmkindik beretinin aıtty.