Qazaqstan INTOSAI kongresiniń vıtse-tóraǵasy bolyp saılandy
Reseı Federatsııasynyń Esep palatasy Halyqaralyq joǵary aýdıt organdarynyń uıymyn basqaratyn boldy. Aldaǵy úsh jylda ol halyqaralyq aýdıtorlyq qaýymdastyqtyń kún tártibin qalyptastyrady. Inaýgýratsııanyń saltanatty rásimi sársenbi kúni INTOSAI-dyń XXIII kongresinde ótti.
Sondaı-aq, sársenbi kúni INTOSAI-dyń XXIII Kongresine arnalǵan poshta markasyn óshirý rásimi ótkizildi. INTOSAI-dyń Bas hatshysy Margıt Kraker (Aýstrııa JAO basshysy), INTOSAI-dyń jańa tóraǵasy Alekseı Kýdrın, INTOSAI-dyń eks-tóraǵasy Harıb Ál Ámımı (BAÁ-niń JAO basshysy), INTOSAI-dyń vıtse-tóraıymy Natalıa Godýnova 2019 jylǵy 25 qyrkúıek dep kúni kórsetilgen arnaıy daıyndalǵan kádesyılyq shtempelmen uıymnyń fırmalyq stıli bar markalardy óshirdi.
INTOSAI-dyń XXIII kongresiniń úshinshi kúni Qazaqstan Respýblıkasy Respýblıkalyq bıýdjettiń atqarylýyn baqylaý jónindegi esep komıtetiniń tóraıymy Natalıa Godýnova «Disrupt dáýirinde turaqty damýdy qalaı qamtamasyz etý qajet: basqarýshylyq jáne tehnologııalyq sheshimder» taqyrybynda paneldik sessııaǵa qatysty, sondaı-aq Japonııanyń, Ázerbaıjan Respýblıkasynyń joǵary aýdıt organdarynyń basshylarymen jáne IDI Bas dırektorymen birqatar ekijaqty kezdesýler ótkizdi.
Japonııa Aýdıt basqarmasynyń Prezıdenti ıÝdjı Morıta myrzamen ekijaqty kezdesýde aýdıtorlyq qyzmette aqparattyq júıelerdi qoldaný jáne tıimdilik pen qarjylyq eseptilik aýdıtin damytý bóliginde tájirıbe almasý, memlekettik aýdıtorlardy oqytý jáne kásibı damytý máseleleri talqylandy.
«Japonııanyń Aýdıt keńesi álemdik aýdıtorlyq qoǵamdastyqta ózin moıyndatqan kóshbasshylardyń biri bolyp sanalady. ASOSAI-dyń áleýetin arttyrý jónindegi ákimshi retinde Japonııanyń Aýdıt keńesi memlekettik aýdıtorlardy damytý júıesin engizý boıynsha aýqymdy jumys atqardy, Azııa aımaǵy elderiniń memlekettik aýdıtin nyǵaıtýǵa jáne aýdıtorlyq qyzmettiń ozyq tájirıbelerin engizýge eleýli úles qosty», - dep atap ótti Esep komıtetiniń tóraıymy Natalıa Godýnova.
Natalıa Godýnova Ázerbaıjan Respýblıkasy Esep palatasynyń tóraǵasy Výgar Gıýlmamedovpen kezdesýinde shoǵyrlandyrylǵan qarjylyq eseptilik aýdıtin jáne Ulttyq qorǵa aýdıt júrgizý máselelerin talqylady. Joǵaryda kórsetilgen salalarda tájirıbe almasý boıynsha sheshimder qabyldandy.
Natalıa Godýnova IDI Bas dırektory Eınar Gorıssenmen ekijaqty kezdesýinde memlekettik aýdıtorlardy sertıfıkattaýdyń álemdik júıesin engizý perspektıvalary, tıimdilik aýdıti boıynsha oqytý men sertıfıkattaýdy uıymdastyrý jónindegi yntymaqtastyq máselelerin talqylady.
«Biz INTOSAI (IDI) damý bastamasynyń aýdıt múmkindikterin keńeıtýdegi úlesin joǵary baǵalaımyz. IDI belsendi ótkizetin is-sharalar (uzaq merzimdi óńirlik oqý baǵdarlamalary, óńirlik qosalqy jáne áriptestik baǵdarlamalar, sondaı-aq memlekettik aýdıttiń negizgi salalaryndaǵy IDI oqý semınarlary men praktıkýmdary) jahandanýǵa jáne álemniń joǵary aýdıt organdary arasynda úzdik tájirıbelerdiń taralýyna áser etedi», - dep atap ótti Natalıa Godýnova.
Kezdesý qorytyndysy boıynsha IDI tarapynan Esep komıteti úshin arnaıy semınarlar, oqý kýrstaryn ótkizý boıynsha ýaǵdalastyqqa qol jetkizildi.