Qazaqstan Interpoldyń «Kúmis bıýlleten» jobasyn engizbek — Nurdáýlet Súıindikov
Onyń atap ótýinshe, atalǵan jobanyń arqasynda sheteldegi aktıvterdi tıimdi qadaǵalaýǵa múmkindik týyndaıdy.
«Eger buǵan deıin adamǵa kartochka qoıylsa, endigi ýaqytta bul kartochka aktıvterge ornatylatyn bolady jáne de sol aktıvti búkil álem boıynsha óziniń sharalarymen indetip otyrady. Interpoldyń bul jobasy „Kúmis bıýlleten“ dep atalady. Ol birtindep engiziledi jáne biz, Bas prokýratýranyń aktıvterdi qaıtarý komıteti atalǵan jobany júzege asyratyn jumys tobynda ózimizdiń jeke músheligimizdi aldyq. Dál qazir bizdiń ókilimiz Eýropada júr. Eýropa keńesi bizge baryp, eki eldiń — Shveıtsarııa men Belgııanyń aktıvterdi qaıtarý jónindegi tájirıbesin zerdeleýge kómek kórsetti. Búginde shetelden qaıtarylǵan aktıvterge qatysty tsıfr — shamamen 700 mln dollar», — dedi Nurdáýlet Súıindikov.
Aıta keteıik, QR Prezıdentiniń Teleradıokesheni «Qaıtarylýy tıis» dep atalatyn alǵashqy derekti fılmin ázirledi.
Onda QR Prezıdenti Ákimshiliginiń basshysy Aıbek Dádebaı, Ádilet mınıstri Azamat Esqaraev, Bas prokýratýra janyndaǵy aktıvterdi qaıtarý komıtetiniń tóraǵasy Nurdáýlet Súıindikov elden zańsyz shyǵarylǵan aktıvterdi qaıtarý protsesi jáne qol jetkizilgen nátıjeler jaıynda baıandaıdy.