Qazaqstan ındýstrııalyq-ınnovatsııalyq damýda fın modelin paıdalanýy qajet - Álemdik ekonomıka ortalyǵynyń ǵylymı hatshy-jetekshisi

trong>. Naýryzdyń 31-i. QazAqparat /Erlik Erjanuly/ - Eń mańyzdy ınnovatsııa - ıntellekt. Bul búgin Almatyda ótip jatqan «Daǵdarystan keıingi damý: jańa onjyldyqtaǵy jańa múmkindikter» dep atalatyn dóńgelek ústel jıynynda aıtyldy,

dep habarlaıdy QazAqparat.

«Aýmaǵy shaǵyn jáne turǵyndary 6,5 mıllıon adamdy quraıtyn Fınlıandııada 1990 jyldary jumyssyzdyq 15 paıyzdy, al syrtqy qaryz jalpy ishki ónimniń 60 paıyzyn qurady. Bul bizdiń jolymyzdaǵy kórsetkishke uqsas. Alaıda Fınlıandııa az ýaqyttyń ishinde úlken sekiris jasady. Olar óziniń ıntellektýaldyq resýrsyn damytýǵa barlyq kúsh -jigerin jumsady. Tegin joǵary bilim alýǵa jaǵdaı jasap, aqparattyq tehnologııany damytýǵa erekshe kóńil aýdardy», deıdi Álemdik ekonomıka ortalyǵynyń ǵylymı hatshy-jetekshisi Oleg Rahmatýlın. Onyń aıtýynsha, damýdyń ózindik modelin qalyptastyrý nátıjesinde búgingi tańda Fınlıandııa ınnovatsııalyq damýda álemde 1-shi orynda. Al zertteý kólemi men ınvestıtsııalyq resýrs deńgeıi jaǵynan 3-shi orynda. Oǵan 6 mıllıard dollar jumsalady. Bul jalpy ishki ónimniń 40 paıyzy. Bul Ońtústik Koreıada 2 paıyzdy, Kanadada 1,86 paıyzdy quraıdy.

Jalpy 2010-2014 jylǵa ındýstrııalyq-ınnovatsııalyq údemeli damý baǵdarlamasy boıynsha Qazaqstan 2015 jyly el turǵyndarynyń kompıýterlik saýattylyǵyn 40 paıyzǵa jetkizbek. Onda ınternet qyzmetimen qamtý deńgeıin de osy shekke jetkizý josparlanyp otyr.