Qazaqstan ındýstrııalandyrýdyń ekinshi besjyldyǵy aıasynda ınnovatsııalyq damýdyń negizgi úsh baǵytyn qarastyrady - IJTM
Bul týraly búgin VII Astana ekonomıkalyq forýmy aıasynda ótip jatqan ІH Innovatsııalyq kongreste Indýstrııa jáne jańa tehnologııalar vıtse-mınıstri Erlan Saǵadıev aıtty.
«Alǵa qoıǵan mindetterdi sheshý úshin biz negizgi úsh joldy qarastyryp otyrmyz. Olar - ozyq tehnologııalar transferi, tehnologııalyq quzyretti arttyrý jáne ınnovatsııalarǵa degen suranysty yntalandyrý», - dep atap ótti vıtse-mınıstr.
Onyń aıtýynsha, ozyq tehnologııalar transferi boıynsha barlyq basym baǵyttardaǵy strategııalyq mańyzy bar jobalardy alǵa jyljytý, sonyń ishinde ınnovatsııalyq granttar usyný arqyly yqpaldasý sharalary usynylyp otyr. Sondaı-aq, bul jaǵdaıda bıznestiń qyzyǵýshylyq tanytýy jáne qosymsha qarjylandyrylýy negizgi krıterıı bolmaq.
«Al tehnologııalyq quzyretterdi joǵarylatý JOO, tehnoparkter nemese «ınnovatsııalyq sheberhanalar» dep atalatyn oryndardyń janynan ortaq ınjenerlik jumys, avtomattandyrý ortalyqtary, fab-zerthanalar qurý arqyly qamtamasyz etiletin bolady», - dep atap ótti E. Saǵadıev.
«Úshinshi baǵyt boıynsha, ınnovatsııalarǵa suranysty arttyrý úshin salyqtyq yntalandyrýdy, tehnıkalyq jáne ekologııalyq standarttardy Keden odaǵy men Eýropalyq odaqtyń júıelerimen birizdendirý arqyly kúsheıtýdi qarastyrý qajet», - dep málimdedi vıtse-mınıstr.
Innovatsııalyq kongrestiń qorytyndylary boıynsha sheteldik seriktestermen birqatar memorandýmdar men kelisimderge qol qoıylady.
Aıta keteıik, sharany jyl saıyn QR Indýstrııa jáne jańa tehnologııalar mınıstrliginiń qoldaýymen «Tehnologııalyq damý jónindegi ulttyq agenttigi» AQ uıymdastyryp keledi. Bıylǵy kongreske álemniń 12 elinen 400-den astam delegat qatysýda.